TV
రోడ్డు ప్రమాదంలో మహిళ దుర్మరణం
● రోడ్డు దాటుతుండగా ఢీకొన్న కారు
● సంగారెడ్డిలో ఘటన
సంగారెడ్డి క్రైమ్‌: రోడ్డు ప్రమాదంలో ఓ మహిళ మృతి చెందింది. ఈ సంఘటన పట్టణ పోలీస్‌ స్టేషన్‌ పరిధిలో చోటు చేసుకుంది. సీఐ రామనాయుడు తెలిపిన వివరాల ప్రకారం.. పటాన్‌చెరువు మండలం భానూర్‌ గ్రామానికి చెందిన మొగిలిగారి ద్వారకేశ్వరీ (52) రెండు రోజులు క్రితం కొంపూర్‌ మండలం మాల్కాపూర్‌లో ఉండే తన చెల్లెలి ఇంటి వద్దకు వెళ్లింది. అక్కడి నుంచి సంగారెడ్డి పట్టణంలోని గణేశ్‌ నగర్‌లో ఉండే తన మేల్లుడు హరిచంద్ర రెడ్డి ఇంటికి బయలుదేరింది. శుక్రవారం ఉదయం పోతిరెడ్డిపల్లి నుంచి సంగారెడ్డి వెళ్లే మార్గంలో స్దానిక స్టార్‌ ఆస్పత్రి ఎదురుగా రోడ్డు దాటుతుండగా వేగంగా దూసుకొచ్చిన కారు మహిళను ఢీకొట్టింది. ఆమె తలకు దెబ్బ తగిలి అక్కడికక్కడే మృతి చెందింది. కేసు దర్యాప్తులో ఉంది.
