నూతన ఉత్పత్తులపై దృష్టి పెట్టాలి

నూతన ఉత్పత్తులపై దృష్టి పెట్టాలి

నల్లగొండ : మహిళా సంఘాల సభ్యులు నూతన ఉత్పత్తుల తయారీపై దృష్టి సారించి ఆర్థికంగా ఎదగాలని కలెక్టర్‌ ఇలా త్రిపాఠి అన్నారు. శుక్రవారం సికింద్రాబాద్‌ బొల్లారంలోని రాష్ట్రపతి నిలయంలో నిర్వహిస్తున్న ‘భారతీయ కళా మహోత్సవ్‌’కు జిల్లా నుంచి వెళ్తున్న స్వయం సహాయక మహిళా సంఘాల అధ్యక్ష, కార్యదర్శుల ప్రత్యేక బస్సును ఆమె కలెక్టరేట్‌ వద్ద జెండా ఊపి ప్రారంభించారు. ఈ సందర్భంగా మాట్లాడుతూ కళా మహోత్సవ్‌లో దేశంలోని వివిధ ప్రాంతాల్లో తయారుచేసిన పలు రకాల ఉత్పత్తులను ప్రదర్శిస్తారని తెలిపారు. ఆ స్టాల్స్‌ను సందర్శించడం వల్ల విభిన్న ఉత్పత్తుల తయారీపై అవగాహన పెరుగుతుందని చెప్పారు. మహిళా స్వయం సహాయక సంఘాల సభ్యులు పొదుపు, ఆర్థిక అంశాలతో పాటు, సామాజిక అంశాలపై అవగాహన కలిగి ఉండాలని సూచించారు. కార్యక్రమంలో డీఆర్‌డీఓ శేఖర్‌రెడ్డి, డీపీఎం, ఏపీఎంలు పాల్గొన్నారు.

ఫ కలెక్టర్‌ ఇలా త్రిపాఠి