TV
ఆరోగ్యంపై శ్రద్ధ వహించాలి : ఎస్పీ
నల్లగొండ : పోలీస్‌ అదికారులు, సిబ్బంది ఆరోగ్యంపై ప్రత్యేక శ్రద్ధ వహించాలని ఎస్పీ శరత్‌చంద్ర పవార్‌ అన్నారు. శుక్రవారం జిల్లా పోలీస్‌ కార్యాలయంలో ఏర్పాటు చేసిన ఉచిత వైద్య శిబిరాన్ని ఆయన ప్రారంభించి మాట్లాడారు. పోలీస్‌ సిబ్బందికి విధి నిర్వహణలో ఒత్తిడి కారణంగా సమయానికి ఆహారం, నిద్ర లేకపోవడం వల్ల అనేక రకాల ఆరోగ్య సమస్యల వచ్చే అవకాశం ఉంటుందన్నారు. రోజూ వ్యాయామం, నడక, యోగాలాంటివి చేసుకోవాలని సూచించారు. సిబ్బంది సంక్షేమం కోసం హెల్త్‌ క్యాంపులు నిర్వహిస్తున్నట్లు తెలిపారు. అనంతరం అపోలో, రినోవా, మెడికవర్‌, మ్యాక్స్‌ విజన్‌, రెయిన్‌బో చిల్డ్రన్‌, క్లౌ డెంటల్‌, ఇండియన్‌ మెడికల్‌ అసోసియేషన్‌, జీజీహెచ్‌ నల్లగొండ ఆస్పత్రి వైద్యుల సహకారంతో పోలీసు సిబ్బందికి, కుటుంబాలకు వైద్య పరీక్షలు చేసి మందులు అందజేశారు. కార్యక్రమంలో డాక్టర్లు టి.సాయి కిరణ్‌, రమేష్‌, పుల్లారావు, రాజేష్‌, రవీంద్రనాథ్‌, అడిషనల్‌ ఎస్పీ రమేష్‌, డీఎస్పీలు మల్లారెడ్డి, శివరాంరెడ్డి, శ్రీనివాస్‌, డాక్టర్లు ఉదయభాస్కర్‌, సుదీర్‌, సాయి సందీప్‌ ,సాయి, సుజాత, డేవిడ్‌ తదితరుల పాల్గొన్నారు.
