PODCAST
క్రైమ్‌ తెచ్చిన క్రేజ్‌..హీరోయిన్‌గా దూసుకెళ్తున్న త్రిషా ముఖర్జీ
నటీనటుల ప్రతిభకు కొదవ లేదు. ఆ కళను ప్రదర్శించే అవకాశాలే కరవు. అందుకే, చాలామంది అభినయ కళాకారులు ఒక్క చాన్స్‌ .. ఒకే ఒక్క చాన్స్‌ కోసం.. ఆ చాన్స్‌తో నిరీక్షిస్తుంటారు. త్రిషా ముఖర్జీకి మాత్రం ఆ అవసరం రాలేదు. నటనారంగంలోకి అడుగుపెట్టగానే అవకాశం వరించింది. క్రేజీ క్రైమ్‌ కథనాల హీరోయిన్‌గా దూసుకుపోతోంది.
►కోల్‌కతాలో పుట్టి, పెరిగిన త్రిష.. హైదరాబాద్‌లోని ఐసీఎఫ్‌ఏఐ యూనివర్సిటీలో చదివింది.
► కాలేజీ రోజుల్లోనే మోడల్‌గా మారి పలు వాణిజ్య ప్రకటనల్లో కనిపించింది.
► 2012లో ‘లైట్‌ షేడ్‌ రెడ్‌’ బెంగాలీ సినిమాతో ప్రేక్షకుల ముందుకు వచ్చింది.
►వెండితెరకు మొదట పరిచయమైనా.. బుల్లితెర ఆమెను ఎక్కువగా ఆదరించింది. వరుస సీరియల్‌ అవకాశాలు.. వాటిల్లో ఆమె కనబరచిన నెగెటివ్‌ షేడ్‌ తన ఫేట్‌నే మార్చేసింది.
► ‘క్రైమ్‌ పెట్రోల్‌’ సీరియల్‌తో పాపులర్‌ అయిపోయింది. తర్వాత చేసిన ‘కోడ్‌ రెడ్‌’, ‘సావధాన్‌ ఇండియా’, ‘క్రాక్‌ డౌన్‌’తో బిజీ అయిపోయింది.
►మరెన్నో తెలుగు, తమిళ సీరియల్స్‌లో నటిస్తూ క్రేజీ క్రైమ్‌ కథనాల హీరోయిన్‌గా పేరు సంపాదించుకుంది.
►ప్రస్తుతం అమెజాన్‌ ప్రైమ్‌ వీడియోలో ప్రసారమవుతోన్న ‘మధ’ సిరీస్‌తో అలరిస్తోంది.
క్రైమ్‌ కథనాలకే ప్రాముఖ్యం ఇస్తారెందుకు అని చాలా మంది నన్ను ప్రశ్నిస్తుంటారు. నిజానికి, ఆ కథనాలే నన్ను ఎంచుకుంటున్నాయని నా ఫీలింగ్‌. కమర్షియల్‌ సినిమాల్లోనూ నటిస్తా.
– త్రిషా ముఖర్జీ
