కష్టపడ్డ వారికి పదవులు

కష్టపడ్డ వారికి పదవులు

మెదక్‌జోన్‌: కాంగ్రెస్‌లో కష్టపడిన వారికి ఖచ్చితంగా మంచి అవకాశాలు లభిస్తాయని యూత్‌ కాంగ్రెస్‌ రాష్ట్ర అధ్యక్షుడు శివచరణ్‌రెడ్డి అన్నారు. శుక్రవారం టీఎన్‌జీఓ భవన్‌లో ఏర్పాటు చేసిన సమావేశంలో ఆయన పాల్గొని మాట్లాడారు. అగ్రనేతలు రాహుల్‌గాంధీ, రేవంత్‌రెడ్డి, మహేశ్‌కుమార్‌గౌడ్‌ యువతను ప్రోత్సహిస్తున్నారని తెలిపారు. ప్రతి ఒక్కరూ పార్టీ అభివృద్ధి కోసం కష్టపడాలన్నారు. త్వరలో జరగబోయే సర్పంచ్‌ ఎన్నికల్లో కాంగ్రెస్‌ అభ్యర్థుల గెలుపు కోసం శక్తివంచన లేకుండా కృషి చేయాలని పిలుపునిచ్చారు. అనంతరం జాతీయ కార్యదర్శి భవ్యసింగ్‌ మాట్లాడుతూ.. రాష్ట్రంలో యువజన సంఘాల బలోపేతానకి కృషి చేయాల్సిన అవసరం ఉందన్నారు. కార్యక్రమంలో యువత జాతీయ కార్యవర్గ సభ్యుడు మహేందర్‌రెడ్డి, నాయకులు సంతోశ్‌, తరుణ్‌, రామ చందర్‌రెడ్డి, యూత్‌ జిల్లా అధ్యక్షుడు పరశురామ్‌గౌడ్‌ తదితరులు పాల్గొన్నారు.

యూత్‌ కాంగ్రెస్‌ రాష్ట్ర అధ్యక్షుడు శివచరణ్‌రెడ్డి