గెలుపు గుర్రాల వేట

గెలుపు గుర్రాల వేట

స్థానిక ఎన్నికలను ప్రతిష్టాత్మకంగా తీసుకున్న కాంగ్రెస్‌

చిన్నశంకరంపేట(మెదక్‌): స్థానిక ఎన్నికల్లో గెలుపు గుర్రాల వైపు అధికార పార్టీ దృష్టి సారించింది. మెదక్‌ నియోజవర్గంలోని పలు గ్రామాల్లో ఇప్పటికే సర్పంచ్‌ అభ్యర్థుల వివరాలను సేకరించిన కాంగ్రెస్‌ నాయకులు గెలుపు అవకాశం ఉన్నవారి వైపు మొగ్గు చూపుతున్నారు. బలమైన అభ్యర్థి ప్రత్యర్థి పార్టీలో ఉంటే తమ పార్టీలోకి వచ్చేలా పావులు కదుపుతున్నారు. ఇందుకు కాంగ్రెస్‌లోని ఓ ముఖ్య నాయకుడికి బాధ్యతలు అప్పగించారు. ఇందులో భాగంగా ఇప్పటికే చిన్నశంకరంపేట, మెదక్‌, హవేళిఘణా పూర్‌, రామాయంపేట, నిజాంపేట మండలాల్లోని ముఖ్యమైన గ్రామాల్లో గెలుపు అవకాశాలు ఉన్న అభ్యర్థులను అన్వేషిస్తున్నారు. చిన్నశంకరంపేట మ ండల కేంద్రంలో ఇండిపెండెంట్‌గా బరిలో దిగేందుకు సిద్ధమైన ఓ అభ్యర్థిని అధికార పార్టీలోకి తీసుకువచ్చేందుకు చర్చలు జరుపుతున్నట్టు తెలిసింది. ఇప్పటికే రామాయంపేట మండలంలోని అక్కన్నపేట, జాన్సిలింగాపూర్‌, ధర్మారం గ్రామాల్లో సర్పంచ్‌ అభ్యర్థులను కాంగ్రెస్‌లో చేర్చుకున్నారు. మెదక్‌ మండలంలోనూ పలువురు నాయకులు అధికార పార్టీలో చేరేందుకు రంగం సిద్ధం చేసుకున్నారు. ముఖ్యంగా మండల కేంద్రాల్లో బలమైన అభ్యర్థులను బరిలో దింపేందుకు కార్యాచరణ రూపొందించినట్లు ఓ ముఖ్య నాయకుడు తెలిపారు.

‘మైనంపల్లి’ ప్రత్యేక ఫోకస్‌

రామాయంపేట(మెదక్‌): పంచాయతీ ఎన్నికలు సమీపిస్తున్న తరుణంలో నాయకుల జంపింగ్‌ కార్యక్రమం ఊపందుకుంది. ఈమేరకు బీఆర్‌ఎస్‌కు చెందిన ఇద్దరు సీనియర్‌ నా యకులు ప్రగతి ధర్మారం గ్రామానికి చెందిన మాజీ ఎంపీటీసీ సిద్దరాంరెడ్డి, ప్రముఖ ఆయు ర్వేద వైద్యుడు, ఝాన్సిలింగాపూర్‌ మాజీ సర్ప ంచ్‌ మానెగల్ల రామకిష్టయ్య శుక్రవారం కాంగ్రెస్‌ తీర్థం పుచ్చుకున్నారు. వారిని మాజీ ఎమ్మెల్యే మైనంపల్లి హన్మంతరావు, డీసీసీ అధ్యక్షుడు ఆంజనేయులుగౌడ్‌ పార్టీలోకి ఆహ్వానించారు. రెండు గ్రామాల్లో ఇద్దరు పేరున్న నా యకులు కాంగ్రెస్‌లో చేరడంతో ఆపార్టీకి లాభం చేకూరుతుందని పలువురు చర్చించుకు ంటున్నారు. వీరితోపాటు మరికొందరు నాయకులను సైతం కాంగ్రెస్‌లో చేర్చుకోవడానికి మైనంపల్లి ప్రత్యేక ఫోకస్‌ పెట్టినట్లు సమాచారం.