‘స్థానికం’లో సత్తా చాటాలి
నర్సాపూర్: స్థానిక సంస్థల ఎన్నికల్లో సమష్టిగా పనిచేసి ఎక్కువ స్థానాలు గెలుపొందాలని పీసీసీ అధ్యక్షుడు మహేశ్కుమార్గౌడ్ సూచించారు. శుక్రవారం డీసీసీ అధ్యక్షుడు ఆంజనేయులుగౌడ్ ఆయనను మర్యాద పూర్వకంగా కలిశారు. ఈసందర్భంగా స్థానిక ఎన్నికలు, పార్టీ బలోపేతం చర్చించారు. ఈసందర్భంగా ఎన్నికల్లో వ్యవహరించాల్సిన అంశాలపై దిశానిర్దేశం చేశారు. పీసీసీ చీఫ్ను కలిసిన వారిలో మాజీ ఎమ్మెల్యే మైనంపల్లి హన్మంతరావు తదితరులు ఉన్నారు.
సమస్యాత్మక కేంద్రాలపై నిఘా
కౌడిపల్లి(నర్సాపూర్): సమస్యాత్మక పోలింగ్ కేంద్రాలపై ప్రత్యేక నిఘా ఏర్పాటు చేసినట్లు తూప్రాన్ డీఎస్పీ నరేందర్గౌడ్ తెలిపారు. శుక్రవారం మండల కేంద్రంలోని ఎంపీడీఓ కార్యాలయంలో నామినేషన్ కౌంటర్లు, కౌడిపల్లి, తునికి, వెంకట్రావుపేట, తిమ్మాపూర్, వెల్మకన్న తదితర సమస్యాత్మక పోలింగ్ కేంద్రాలను పరిశీలించారు. ఈసందర్భంగా ఆయన మాట్లాడుతూ.. సమస్యాత్మక పోలింగ్ కేంద్రాల్లో ఓటర్లకు ఎలాంటి ఇబ్బందులు కలగకుండా చూసేందుకు పటిష్ట నిఘా ఏర్పాటు చేస్తున్నట్లు చెప్పారు. గ్రామాల్లో బెల్టు షాపులు నిర్వహిస్తే కఠిన చర్యలు తీసుకుంటామని హెచ్చరించారు. తిమ్మాపూర్లో పోలింగ్ కేంద్రం శిథిల పాఠశాల భవనంలో ఉందని, నూతన పాఠశాల భవనంలోకి మార్చే అవకాశాన్ని పరిశీలించాలని తహసీల్దార్ కృష్ణకు సూచించారు. ఆయన వెంట సీఐ జాన్రెడ్డి, ఎస్ఐ మురళి, ఎంపీఓ రామారావు, పంచాయతీ కార్యదర్శి ప్రవీణ్రెడ్డి ఉన్నారు.
వరి కొయ్యలు కాల్చొద్దు
చిన్నశంకరంపేట(మెదక్): పంట పొలాల్లో వరి కొయ్యలు కాల్చొద్దని జిల్లా వ్యవసాయ అధికారి దేవ్కుమార్ రైతులకు సూచించారు. శుక్రవారం మండలంలోని అంబాజిపేటలో వరి కోతలను పరిశీలించారు. ఈసందర్భంగా ఆయన మాట్లాడుతూ.. వరి కొయ్యలు కాల్చడం ద్వారా లాభం కంటే నష్టమే ఎక్కువని గ్రహించాలన్నారు. భూసారం దెబ్బతిని మిత్ర పురుగులు సైతం మృతి చెందుతాయన్నారు. వరి కొయ్యలను దుక్కిలోనే దున్నడం ద్వారా ఎరువుగా మారి పంటకు బలం చేకూరుతుందని వివరించారు. ఆయన వెంట ఏఓ ప్రవీణ్కుమార్, ఏఈఓ విజృంభణ ఉన్నారు.
టీఆర్టీఎఫ్ జిల్లా
అధ్యక్షుడిగా ప్రణీద్కుమార్
రామాయంపేట(మెదక్): తెలంగాణ రాష్ట్ర టీచర్స్ ఫెడరేషన్ (టీఆర్టీఎఫ్) జిల్లా అధ్యక్షుడిగా ప్రణీద్కుమార్ రెండోసారి ఎన్నికయ్యారు. రామాయంపేటలో సంఘం రాష్ట్ర అధ్యక్షుడు కటకం రమేశ్ ఆధ్వర్యంలో జరిగిన సమావేశంలో జిల్లా కమిటీని ఎన్నుకున్నారు. ప్రధాన కార్యదర్శిగా నర్సింగరావు, గౌరవాధ్యక్షుడుగా ఐలయ్య, అసోసియేట్ అధ్యక్షుడిగా మోహన్శర్మ, జిల్లా అదనపు ప్రధాన కార్యదర్శిగా విఠోభా, ఉపాధ్యక్షులుగా అబ్ధుల్ రశీద్, వెంకటేశ్, దేవరాజ్, రమేశ్, పరమేశ్, ప్రవీణ్, కార్యదర్శులుగా వినయ్, ప్రమోద్, హరీశ్, జా కీర్, చిరంజీవిని ఎన్నుకున్నారు. వీరితో పాటు సంఘం రాష్ట్ర కౌన్సిలర్లుగా ఐలయ్య, వెంకన్న, అజయ్, పవన్కుమార్, శ్రీనివాస్, వెంకట్రెడ్డిని ఎన్నుకున్నారు.
నేడు దివ్యాంగులకు
క్రీడా పోటీలు
మెదక్ కలెక్టరేట్: దివ్యాంగులకు శనివారం ఆ టల పోటీలు నిర్వహించనున్నట్లు డీడబ్ల్యూఓ హేమాభార్గవి శుక్రవారం ఒక ప్రకటనలో పేర్కొన్నారు. అంతర్జాతీయ దివ్యాంగుల దినోత్సవం సందర్భంగా జిల్లా కేంద్రంలోని అవుట్ డోర్ స్టేడియంలో ఆటల పోటీలు ఉంటాయని తెలిపారు. పరుగు పందెం, షాట్పుట్, చెస్, క్యారమ్స్, జవేలిస్ త్రో తదితర పోటీలు ఉంటాయన్నారు.
‘స్థానికం’లో సత్తా చాటాలి
‘స్థానికం’లో సత్తా చాటాలి
‘స్థానికం’లో సత్తా చాటాలి


