TV
ఎన్నికల ‘కిక్కు’
● డిసెంబర్‌ 1 నుంచి కొత్త మద్యం షాపులు ప్రారంభం
● పంచాయతీ ఎన్నికల నేపథ్యంలో వ్యాపారుల్లో జోష్‌
● వచ్చే నెల 17 వరకు లిక్కర్‌కు ఫుల్‌ డిమాండ్‌
మెదక్‌ అర్బన్‌: కొత్త లిక్కర్‌ షాపులకు.. స్థానిక ఎన్నికల కిక్కు కలిసొచ్చింది. చివరి లక్కీ డ్రాప్స్‌ అమ్మకాల వేటలో పాత వారు.. డక్కెన్‌ ఓపెన్‌తో భారీ బోణి కొట్టాలని కొత్త యజమానులు ఆశపడుతున్నారు. ఈనెల 25న పంచాయతీ ఎన్నికల నోటిఫికేషన్‌ వెలువడగా, డిసెంబర్‌ 17 వరకు జిల్లాలో ఎన్నికల ప్రక్రియ కొనసాగనుంది. డిసెంబర్‌ 1 నుంచి కొత్త లిక్కర్‌ షాపులు తెరుచుకోనున్నాయి. వీరికి ఈనెల 30నే మద్యం కేటాయించనున్నట్లు తెలుస్తోంది.
జిల్లాలో 49 వైన్‌ షాపులు
జిల్లాలో 49 వైన్‌ షాపులకు గత నెల 27న లక్కీ డ్రా నిర్వహించారు. డిసెంబర్‌ 1 నుంచి కొత్త వైన్‌షాపులు ప్రారంభం కానున్నాయి. పంచాయతీ ఎన్నికలకు సంబంధించి ఇప్పటికే నో టిఫికేషన్‌ వెలువడింది. కాగా జిల్లాలో మొత్తం 492 గ్రామ పంచాయతీలకు మూడు విడతల్లో ఎన్నికలు జరుగనున్నాయి. డిసెంబర్‌ 17 వరకు ఎన్నికల ప్రక్రియ కొనసాగనుండగా, మద్యం విచ్చలవిడిగా ప్రవహించే అవకాశం ఉంది. నామినేషన్‌ ప్రక్రియ నుంచి ఎన్నికల ఫలితాల వరకు నిత్యం పండగే ఉంటుంది.
లిక్కర్‌ కిక్‌.. గుడ్‌ లక్‌
జిల్లాలో లిక్కర్‌ షాపులు దక్కించుకోవడానికి సిండికేట్‌ వ్యాపారులు గత నెల 23 వరకు వందల కొద్ది దరఖాస్తు చేశారు. ఒక్కో దరఖాస్తుకు రూ.3 లక్షల చొప్పున లక్షలాది రూపాయలు వెచ్చించారు. కొన్ని సిండికేట్‌లకు ఒక్క షాపు కూడా దక్కకపోగా, మరికొంత మందికి కేవలం ఒకటి, రెండు షాపులు లాటరీలో తగిలాయి. కాగా షాపులు దక్కించుకున్న వారికి ఆదిలోనే ఎన్నికలు తగలడంతో ఆనందం వ్యక్తమవుతుంది. సాధారణంగా మధ్య తరగతి షాపుల్లో నెలకు సుమారు రూ. 2.5 కోట్ల వరకు లిక్కర్‌ అమ్మకాలు జరుగుతుంటాయి. కానీ ఎన్నికల వేళ సుమారు రూ. 5 నుంచి రూ. 6 కోట్ల వరకు విక్రయాలు జరిగే అవకాశం ఉంది. డిసెంబర్‌ 1 నుంచి కొత్త షాపులు ప్రారంభం కానున్న నేపథ్యంలో యజమానులు ఇప్పటికే షాపులు కిరాయి తీసుకున్నారు. కౌంటర్‌లు, షోకేజ్‌లు, బాటిల్‌ కూలర్‌లు సిద్ధం చేసుకొని ఎదురు చూస్తున్నారు. కాగా పాత యజమానులు కూడా, ఈ మూడు రోజుల్లో పెద్ద ఎత్తున మద్యం కొనుగోలు చేసి, ఎన్నికల వేళ బ్లాక్‌లో అమ్ముకోవడానికి సిద్ధం చేసుకుంటున్నారని సమాచారం. ఎకై ్సజ్‌ అధికారులు దృష్టిసారిస్తే అక్రమ మద్యం అమ్మకాలు అరికట్టే అవకాశం ఉంటుంది.
ఎన్నికల ‘కిక్కు’
