నేడు విద్యుత్‌ సరఫరాలో అంతరాయం

నేడు విద్యుత్‌ సరఫరాలో అంతరాయం

రామాయంపేట(మెదక్‌): 132/33 కేవీ సబ్‌స్టేషన్‌లో మరమ్మతుల కారణంగా శనివారం రామాయంపేట, నిజాంపేట మండలాల్లో విద్యు త్‌ సరఫరాలో అంతరాయం ఉంటుందని విద్యుత్‌శాఖ ఏడీఈ ఆదయ్య పేర్కొన్నారు. నాణ్యమైన విద్యుత్‌ సరఫరా, లైన్‌కు అడ్డుగా ఉన్న చెట్ల కొమ్మల తొలగింపు, కరెంటు తీగల మార్పు వంటివి చేపట్టనున్నట్లు తెలిపారు. దీంతో రామాయంపేట పట్టణం, డబుల్‌బెడ్రూం కాలనీ, కాట్రియాల, లక్ష్మాపూర్‌, ఝాన్సిలింగాపూర్‌, నిజాంపేట మండలంలోని బచ్చురాజ్‌పల్లి, నిజాంపేట సబ్‌స్టేషన్ల పరిధిలో ఉదయం 10 గంటల నుంచి మధ్యాహ్నం 2 గంటల వరకు విద్యుత్‌ సరఫరా నిలిపివేయనున్నట్లు చెప్పారు.

సకాలంలో

వైద్య సేవలందించాలి

మనోహరాబాద్‌(తూప్రాన్‌): 108 సిబ్బంది క్షతగాత్రులకు వెంటనే వైద్యం అందించేలా కృషి చేయాలని జిల్లా 108 కో–ఆర్డినేటర్‌ రవికుమార్‌ అన్నారు. శుక్రవారం మండల కేంద్రంలోని పీహెచ్‌సీని ఆకస్మికంగా తనిఖీ చేశారు. ఈసందర్భంగా పలు రికార్డులను పరిశీలించారు. బాధితులకు అందుబాటులో ఉండి వైద్యం అందేలా చూడాలని సిబ్బందికి సూచించారు. ఆయన వెంట వైద్యులు సమత, 108 సిబ్బంది శివ, రమేష్‌ తదితరులు ఉన్నారు.