TV
● రుణాలు సద్వినియోగం చేసుకోవాలి ● ఎమ్మెల్యే మైనంపల్లి రోహిత్‌
చిన్నశంకరంపేట(మెదక్‌): మహిళలు ప్రభుత్వ సంక్షేమ పథకాలను సద్వినియోగం చేసుకుని ఆర్థికంగా ఎదగాలని మెదక్‌ ఎమ్మెల్యే మైనంపల్లి రోహిత్‌ కోరారు. మహిళలను కోటీశ్వరులను చేయడమే లక్ష్యంగా రాష్ట్ర ప్రభుత్వం కృషి చేస్తోందని అన్నారు. మంగళవారం మండల కేంద్రంలోని రైతువేదికలో అదనపు కలెక్టర్‌ నగేశ్‌తో కలిసి మహిళలకు వడ్డీలేని రుణాల చెక్కులను అందించారు. ఈ సందర్భంగా ఆయన మాట్లాడుతూ జిల్లాలో పదివేల మంది మహిళా సంఘాల సభ్యులకు రూ.30 కోట్ల వడ్డీలేని రుణాలు అందిస్తున్నట్లు తెలిపారు. మహిళ, రైతు పక్షపాతిగా ప్రభుత్వం పనిచేస్తోందన్నారు. కార్యక్రమంలో ఎంపీడీఓ దామోదర్‌, కాంగ్రెస్‌ మండల అధ్యక్షుడు సాన సత్యనారాయణ, మాజీ ఎంపీపీ అరుణప్రభాకర్‌, గోపాల్‌రెడ్డి, మాజీ సర్పంచ్‌లు రాజిరెడ్డి, జనార్దన్‌, సుధాకర్‌, కాంగ్రెస్‌ నాయకులు పాల్గొన్నారు.
పాపన్నపేట(మెదక్‌): మంగళవారం మండల పరిధిలోని పొడిచన్‌పల్లి రైతు వేదికలో స్వయం సమాయక సంఘాల మహిళలకు వడ్డీ లేని రుణాల చెక్కులను పంపిణీ చేశారు.
