TV
సమస్యలను నిర్భయంగా చెప్పాలి
మెదక్‌ మున్సిపాలిటీ: చట్టపరమైన మార్గంలో ప్రతి ఒక్కరికీ న్యాయం అందించడం మా ప్రధాన బాధ్యతని ఎస్పీ డీవీ శ్రీనివాసరావు అన్నారు. సోమవారం జిల్లా పోలీస్‌ ప్రధాన కార్యాలయంలో నిర్వహించిన ప్రజావాణి కార్యక్రమంలో భాగంగా ఫి ర్యాదులు స్వీకరించారు. జిల్లా నలుమూలల ను ంచి ప్రజలు తమ తమ సమస్యలపై 12 ఫిర్యాదులు అందించగా, వాటిని స్వీకరించిన ఎస్పీ సత్వర న్యాయం కోసం సంబంధిత పోలీస్‌ అధికారులకు సూచనలు చేశారు. ఈసందర్భంగా ఆయన మాట్లాడుతూ.. పోలీస్‌ వ్యవస్థ ప్రజల కోసం ఉందని, ఎవరి జోక్యం లేకుండా నిర్భయంగా తమ సమస్య లను వెల్లడించాలని సూచించారు. ఇప్పటికే ప్రజావాణిలో పరిష్కారమైన అనేక కేసులు ప్రజల్లో నమ్మకాన్ని పెంచాయన్నారు. ఎలాంటి పైరవీలు లేకుండా నేరుగా పోలీస్‌ అధికారులను సంప్రదించాలని సూచించారు.
పారదర్శకంగా దర్యాప్తు చేయాలి
కొల్చారం(నర్సాపూర్‌): పోలీస్‌స్టేషన్‌లో నమోదయ్యే ప్రతి కేసును పారదర్శకంగా దర్యాప్తు చేయాలని ఎస్పీ ఆదేశించారు. సోమవారం కొ ల్చారం పోలీస్‌స్టేషన్‌ను ఆకస్మిక తనిఖీ చేసి రికార్డులను పరిశీలించారు. పెండింగ్‌ కేసులు లేకుండా చూడడంతో పాటు ప్రజలకు త్వరితగతిన న్యాయం అందేలా చర్యలు తీసుకోవాలన్నారు. ట్రాఫిక్‌ నిబంధనలను అతిక్రమించే వారిపై కఠిన చర్యలు తీసుకోవాలని ఆదేశించారు.
