TV
నూతన విత్తన బిల్లుతో మేలు
● రైతుల హక్కులను పరిరక్షించేందుకే చట్టం ● రైతు విజ్ఞాన కేంద్రం కోఆర్డినేటర్‌ రాహుల్‌
మెదక్‌ కలెక్టరేట్‌: రైతుల ప్రయోజనాలే కీలకమని, వారి హక్కులను పరిరక్షించేందుకే విత్తన చట్టాన్ని ప్రభుత్వం తీసుకొచ్చిందని తెలంగాణ రైతు విజ్ఞాన కేంద్రం కోఆర్డినేటర్‌ రాహుల్‌ అన్నారు. సోమ వారం కలెక్టరేట్‌లో ప్రొఫెసర్‌ జయశంకర్‌ వ్య వసా య విశ్వవిద్యాలయం, జిల్లా వ్యవసాయశాఖ ఆధ్వ ర్యంలో నూతన విత్తన చట్టం ముసాయిదా కమిటీ అవగాహన, అభిప్రాయ సేకరణ కార్య క్రమం నిర్వహించారు. ఈసందర్భంగా ఆయన మాట్లాడుతూ.. ముఖ్యంగా ప్రస్తుత వ్యవసాయ సాగు పరిస్థితులకనుగుణంగా కేంద్ర ప్రభుత్వం నూతన విత్తన చట్టం తీసుకొచ్చిందన్నారు. రైతుల హక్కులను పూర్తిగా పరిరక్షించాలనే లక్ష్యంతో ఈ చట్టాన్ని తీసుకురావడం జరిగిందన్నారు. చట్టాన్ని ఎవరైనా ఉల్లంఘిస్తే కఠిన చర్యలు తప్పవని హెచ్చరించారు. కార్యక్రమంలో వ్యవసాయ పరిశోధనల స్థానం బసంత్‌పూర్‌ ప్రధాన శాస్త్రవేత్త డాక్టర్‌ విజయ్‌ కుమార్‌, జిల్లా వ్యవసాయ అధికారి దేవ్‌కుమార్‌, జిల్లా అసిస్టెంట్‌ డీఏఓ వినయ్‌ కుమార్‌, ఆయా మండలాల వ్యవసాయ అధికారులు వందన, యాదగిరి, హర్ష, నాగమాధురి, ఆయా విత్తన కంపెనీల ప్రతినిధులు, రైతులు పాల్గొన్నారు.
