స్థానిక ఎన్నికల్లో సత్తా చాటుతాం | - | Sakshi
Sakshi News home page

స్థానిక ఎన్నికల్లో సత్తా చాటుతాం

Nov 24 2025 8:26 AM | Updated on Nov 24 2025 8:26 AM

స్థానిక ఎన్నికల్లో సత్తా చాటుతాం

స్థానిక ఎన్నికల్లో సత్తా చాటుతాం

‘సాక్షి’తో డీసీసీ అధ్యక్షుడు ఆంజనేయులుగౌడ్‌

నర్సాపూర్‌: రాబోయే స్థానిక సంస్థల ఎన్నికల్లో సత్తా చాటుతామని డీసీసీ అధ్యక్షుడు ఆంజనేయులుగౌడ్‌ అన్నారు. రెండోసారి డీసీసీ అధ్యక్షుడిగా నియమితులైన సందర్భంగా ఆదివారం ఆయన ‘సాక్షి’తో మాట్లాడారు. జిల్లాలో మెజార్టీ గ్రామ పంచాయతీలను కై వసం చేసుకునేందుకు శాయశక్తులా కృషి చేస్తానన్నారు. ప్రజల కోసం పని చేయడమే తమ పార్టీ విధానమని తెలిపారు. కాంగ్రెస్‌ పార్టీని నమ్ముకొని ముందుకు సాగుతున్నానని, పార్టీ కోసం పని చేసే కార్యకర్తలను అధిష్టానం గుర్తించి ప్రోత్సహిస్తుందన్నారు. అందులో భాగంగానే తనకు డీసీసీ అధ్యక్ష పదవి దక్కిందన్నారు. తన నియామకానికి సహకరించిన సీఎం రేవంత్‌రెడ్డి, పీసీసీ అధ్యక్షుడు మహేశ్‌కుమార్‌ గౌడ్‌, మంత్రులు, ఇతర నాయకులకు కృతజ్ఞతలు తెలిపారు. వారి నమ్మకాన్ని వమ్ము చేయనని, నాయకులందరి సహకారంతో జిల్లాలో పార్టీని మరింత బలోపేతం చేసేందుకు కృషి చేస్తానని పేర్కొన్నారు.

ఎన్‌ఎస్‌యూఐ టూ డీసీసీ

నర్సాపూర్‌ మండలం రెడ్డిపల్లికి చెందిన ఎస్‌. ఆంజనేయులుగౌడ్‌ మండలంలో ఎన్‌ఎస్‌యూఐ నాయకుడిగా రాజకీయ ప్రస్థానం ప్రారంభించి విద్యార్థుల సమస్యలపై ఉద్యమించారు. అనంతరం యూత్‌ కాంగ్రెస్‌ నాయకుడిగా పని చేశారు. ఆపై మండలంలోని ఖాజీపేట ఎంపీటీసీగా కాంగ్రెస్‌ నుంచి గెలుపొందారు. పీసీసీ ప్రధాన కార్యదర్శిగా నియమితులై పార్టీకి సేవలందించారు. కాగా 2023 ఎన్నికల సమయంలో ఇన్‌చార్జి డీసీసీ అధ్యక్షుడిగా పార్టీ నియమించింది. తాజాగా శనివారం రెగ్యులర్‌గా నియమించడంతో ఆయన రెండోసారి అధ్యక్షుడయ్యారు.

Advertisement

Related News By Category

Related News By Tags

Advertisement
 
Advertisement
Advertisement