TV
నిబంధనల మేరకే నిర్మించుకోండి
నర్సాపూర్‌ రూరల్‌/శివ్వంపేట: నిబంధనల ప్రకారం ఇందిరమ్మ ఇళ్లు నిర్మించుకున్న ప్రతి ఒక్కరికి బిల్లులు వస్తాయని నర్సాపూర్‌ ఎమ్మెల్యే సునీతారెడ్డి అన్నారు. ఆదివారం మండలంలోని ఖాజీపేటలో శిలమంతుల మాధవి నిర్మించిన ఇందిరమ్మ ఇల్లు గృహ ప్రవేశ కార్యక్రమానికి హాజరై మాట్లాడారు. కొంతమంది ఇందిరమ్మ లబ్ధిదారులు నిబంధనల ప్రకారం ఇల్లు నిర్మించుకోకపోవడంతో బిల్లులు రావడంలో జాప్యం జరుగుతు ందన్నారు. కాగా కొంతమంది లబ్ధిదారులు బేస్‌మెంట్‌, లెంటల్‌ లెవెల్‌ బిల్లులు రావడం లేదని ఎమ్మెల్యేతో మొరపెట్టుకున్నారు. సర్వర్‌ సమస్య కారణంగా బిల్లులు రావడం లేదని, కలెక్టర్‌తో మాట్లాడి సమస్య పరిష్కారానికి కృషి చేస్తానని హామీ ఇచ్చారు. ఆమె వెంట బీఆర్‌ఎస్‌ నాయకుడు సుధాకర్‌రెడ్డి తదితరులు ఉన్నారు. అనంతరం శివ్వంపేట మండల పరిధిలోని గోమారంలో ఇందిరమ్మ చీరల పంపిణీ చేశారు. కేవలం మహిళా సంఘాల్లో ఉన్న సభ్యులకు మా త్రమే చీరలు పంపిణీ చేయడం సరికాదన్నారు. అందరికీ ఇవ్వాలని డిమాండ్‌ చేశారు. కార్యక్రమంలో పీఏసీఎస్‌ చైర్మన్‌ వెంకట్రామిరెడ్డి, నాయకులు మాధవరెడ్డి, సంతోష్‌రెడ్డి, చంద్రగౌడ్‌, హన్మంత్‌రెడ్డి, తదితరులు పాల్గొన్నారు.
నర్సాపూర్‌ ఎమ్మెల్యే సునీతారెడ్డి
