TV
మహిళల అభ్యున్నతికి ప్రాధాన్యం
మెదక్‌ ఎమ్మెల్యే మైనంపల్లి రోహిత్‌
రామాయంపేట(మెదక్‌)/పాపన్నపేట/నిజాంపేట: గత ప్రభుత్వ హయాంలో మహిళలకు నాసిరకమైన చీరలు పంపిణీ చేశారని, తమ ప్రభుత్వం మహిళల అభ్యున్నతికి కృషి చేస్తుందని మెదక్‌ ఎమ్మెల్యే మైనంపల్లి రోహిత్‌ అన్నారు. ఆదివారం స్థానిక ఐకేపీ కార్యాలయంలో చీరలు పంపిణీ చేశారు. ఈసందర్భంగా ఎమ్మెల్యే మాట్లాడుతూ.. బీఆర్‌ఎస్‌ హయాంలో మహిళలకు ఇచ్చిన చీరలు పంట చేల వద్ద కట్టడానికి సైతం పనికి రాలేదన్నారు. బీఆర్‌ఎస్‌ నాయకులు ఓట్ల వచ్చినప్పడే ప్రజల వద్దకు వస్తారని విమర్శించారు. కార్యక్రమంలో పీసీసీ కార్యదర్శి సుప్రభాతరావు, మున్సిపల్‌ మాజీ కౌన్సిలర్లు గజవాడ నాగరాజు, దేమె యాదగిరి, మాజీ సర్పంచ్‌లు మహేందర్‌రెడ్డి, శివప్రసాదరావు, బ్లాక్‌ కాంగ్రెస్‌ అధ్యక్షుడు రమేశ్‌రెడ్డి, ఏపీఎం ఇంద్ర తదితరులు పాల్గొన్నారు. అలాగే పాపన్నపేటలో స్వయం సహాయక గ్రూపు మహిళలకు చీరలు పంపిణీ చేశారు. మహిళళలను కోటీశ్వరులను చేయడమే తమ ప్రభుత్వ లక్ష్యమన్నారు. అనంతరం సీఎంఆర్‌ఎఫ్‌ చెక్కులను పంపిణీ చేశారు. కార్యక్రమంలో మండల పార్టీ అధ్యక్షుడు గోవింద్‌నాయక్‌, జిల్లా కిసాన్‌సెల్‌ అధ్యక్షుడు ప్రభాకర్‌రెడ్డి, నాయకులు ప్రశాంత్‌రెడ్డి, అఽధికార ప్రతినిధి శ్రీకాంతప్ప, గౌస్‌, నర్సింలు, నరేందర్‌గౌడ్‌, చోటు తదితరులు పాల్గొన్నారు. అనంతరం నిజాంపేట మండల కేంద్రంలోని రైతు వేదికలో మహిళలకు చీరలు పంపీణీ చేపట్టారు.
