TV
హెల్ప్‌డెస్క్‌ ద్వారా ప్రజావాణి
మెదక్‌ కలెక్టరేట్‌: కలెక్టరేట్‌లో సోమవారం జరి గే ప్రజావాణి హెల్ప్‌డెస్క్‌ ద్వారా నిర్వహించ నున్నట్లు కలెక్టర్‌ రాహుల్‌రాజ్‌ ఒక ప్రకటనలో పేర్కొన్నారు. జిల్లా అధికారులంతా స్థానిక సంస్థల ఎన్నికల ఏర్పాట్లలో ఉన్నందున హెల్ప్‌డెస్క్‌ ద్వారా ప్రజల దరఖాస్తులు స్వీకరిస్తామని పేర్కొన్నారు.
పెద్దశంకరంపేట(మెదక్‌): రాష్ట్ర ప్రభుత్వం ప్రవే శపెడుతున్న పథకాలలో మహిళలకు మొదట ప్రాధాన్యం కల్పిస్తున్నామని ఎమ్మెల్యే సంజీవరెడ్డి అన్నారు. ఆదివారం పెద్దశంకరంపేట రైతువేదికలో ఎస్‌హెచ్‌జీ సంఘాల సభ్యు లకు ఇందిరమ్మ చీరలను పంపిణీ చేశారు. ఈసందర్భంగా ఆయన మాట్లాడుతూ.. మహిళలను కోటీశ్వరులను చేసే లక్ష్యంతో సీఎం రేవంత్‌రెడ్డి పనిచేస్తున్నారని అన్నారు. త్వరలో మండలంలో సంఘం సభ్యులకు ఆర్టీసీ అద్దె బస్సు నిర్వహణతో పాటు స్థలం కేటాయిస్తే పెట్రోల్‌ బంక్‌ను మంజూరు చేయిస్తానని తెలిపారు. అనంతరం స్థానిక లైబ్రరీని సందర్శించారు. నిరుద్యోగుల కోసం రూ. లక్ష కేటాయించి పుస్తకాలను అందుబాటులోకి తెస్తామన్నారు. కార్యక్రమంలో జెడ్పీ సీఈఓ ఎల్లయ్య, ఇన్‌చార్జి తహసీల్దార్‌ కిషోర్‌, ఎంపీడీఓ షాకీర్‌అలీ, ఏపీ ఎం శకుంతల, నాయకులు మధు, నారాగౌడ్‌, ఆర్‌ఎన్‌.సంతోష్‌, మురళిపంతులు తదితరులు పాల్గొన్నారు.
మనోహరాబాద్‌(తూప్రాన్‌): రైల్వే అండర్‌పాస్‌లో నీరు నిల్వకుండా చర్యలు చేపట్టాలని సికింద్రాబాద్‌ రైల్వే డివిజన్‌ ఇన్‌చార్జి (ఎస్‌సీసీ)కి కూచారం నేచర్‌ ఐకాన్‌ యూత్‌ సభ్యులు ఆదివారం వినతిపత్రం అందజేశారు. కూచారం శివారులోని డిల్లాయి వద్ద నూతనంగా ఏర్పాటు చేస్తున్న రైల్వే అండర్‌పాస్‌ నిర్మాణ పనులను పరిశీలించడానికి వచ్చిన సికింద్రాబాద్‌ రైల్వే అధికారులను మండలంలోని కూచారం గ్రామానికి చెందిన నేచర్‌ ఐకాన్‌ యూత్‌ సభ్యులు కలిశారు. చిరు వర్షాలకే అండర్‌ పాస్‌లోకి నీరు చేరి రాకపోకలు నిలిచిపోతున్నాయని తెలిపారు. నీరు నిల్వకుండా తగిన చర్యలు తీసుకోవాలని తెలిపారు.
మెదక్‌ మున్సిపాలిటీ: ఫేక్‌ ట్రేడింగ్‌, జాబ్‌ మోసాల పట్ల ప్రజలు అప్రమత్తంగా ఉండాలని ఎస్పీ డీవీ శ్రీనివాసరావు సూచించారు. ఆది వారం జిల్లా పోలీస్‌ కార్యాలయంలో ఆయన మాట్లాడారు. రోజురోజుకు సాంకేతిక పరిజ్ఞానం విస్తరిస్తున్న నేపథ్యంలో సైబర్‌ నేరాలు కూడా వేగంగా పెరుగుతున్నాయని తెలిపారు. చిన్న పొరపాట్లు కూడా పెద్ద ఆర్థిక నష్టాలకు దారితీసే అవకాశం ఉందన్నారు. తక్కువ సమయంలో అధిక లాభాలు వస్తాయని నమ్మబలికి డబ్బు దోచుకునే నకిలీ ట్రేడింగ్‌ యాప్‌లు, వెబ్‌సైట్లు విస్తరిస్తున్నాయని తెలిపారు. గుర్తు తెలియని లింకులు, యాప్‌లు డౌన్‌లోడ్‌ చేయవద్దన్నారు. బ్యాంక్‌ ఓటీపీలు, వ్యక్తిగత వివరాలు ఎవరికి చెప్పొద్దన్నారు. సైబర్‌ మోసం జరిగితే వెంటనే 1930 హెల్ప్‌లైన్‌్‌కు ఫిర్యాదు చేయాలని చెప్పారు.
మెదక్‌ కలెక్టరేట్‌: తెలంగాణ ఎయిడ్స్‌ కౌన్సిలర్‌ కంట్రోల్‌ యూనియన్‌ (టీఏసీసీయూ) రాష్ట్ర ప్రధాన కార్యదర్శిగా కాముని రాజేశ్వర్‌ ఏకగ్రీవంగా ఎన్నికయ్యారు. రాజేశ్వర్‌ ప్రస్తుతం మెదక్‌ జిల్లా జనరల్‌ ప్రభుత్వాసుపత్రిలో ఎయిడ్స్‌ కౌన్సిలర్‌గా విధులు నిర్వర్తిస్తున్నారు. గతంలో టీఏసీసీయూ జిల్లా కార్యదర్శిగా రాష్ట్ర కమిటీలో పనిచేశారు. రాజేశ్వర్‌ ఎన్నిక పట్ల ఆదివారం టీజీఓ రాష్ట్ర కార్యదర్శి సత్యనారాయణ, జిల్లా అధ్యక్షుడు దేవేందర్‌రెడ్డి, ఎస్టీయూ జిల్లా అధ్యక్షుడు రాజగోపాల్‌గౌడ్‌ తదితరులు హర్షం వ్యక్తం చేశారు.
హెల్ప్‌డెస్క్‌ ద్వారా ప్రజావాణి
హెల్ప్‌డెస్క్‌ ద్వారా ప్రజావాణి
