పరిశీలించి.. సూచనలిచ్చి

చిన్నశంకరంపేట(మెదక్‌): మండల పరిషత్‌ కార్యాలయంలో నిర్వహించిన పంచాయతీ వార్డుల రిజర్వేషన్‌ ప్రక్రియను కలెక్టర్‌ రాహుల్‌రాజ్‌ ఆదివారం పరిశీలించారు. ఎంపీడీఓ దామోదర్‌ ఆధ్వర్యంలో రిజర్వేషన్‌ ప్రక్రియ నిర్వహిస్తుండగా కలెక్టర్‌ పలు సూచనలు చేశారు. ఈసందర్భంగా ఆయన మాట్లాడుతూ.. గత ఎన్నికల్లో వచ్చిన రిజర్వేషన్‌కు రొటేషన్‌గా ఎస్సీ, ఎస్టీ, బీసీ రిజర్వేషన్లు ఎంపిక చేస్తున్నట్లు తెలిపారు. ఇందులో 50 శాతం మహిళ రిజర్వేషన్‌ అమలు చేయనున్నట్లు చెప్పారు. 2011 జనాభా లెక్కల ప్రకారం ముందుగా ఎస్సీ, ఎస్టీ రిజర్వేషన్లు ఎంపిక చేయడంతో పాటు 22 శాతం బీసీ రిజర్వేషన్లు ప్రకటించి, మిగితా స్థానాలు ఆన్‌ రిజర్వుడుగా ప్రకటించనున్నట్లు పేర్కొన్నారు.