TV
‘సాయి’ మార్గం అనుసరణీయం
మెదక్‌ కలెక్టరేట్‌: సత్య సాయిబాబా చూపిన సేవ, ధర్మమార్గం ఎల్లవేళలా అనుసరణీయమని కలెక్టర్‌ రాహుల్‌రాజ్‌ అన్నారు. ఆదివారం కలెక్టరేట్‌లో నిర్వహించిన సత్యసాయిబాబా శత జయంతి కార్యక్రమంలో పాల్గొని మాట్లాడారు. మానవ సేవే పరమావదిగా సేవా కార్యక్రమాలు చేపట్టి విశిష్ట స్థానం సంపాదించారని తెలిపారు. ప్రేమ, ఆధ్యాత్మిక బోధనలతో ప్రపంచవ్యాప్తంగా లక్షలాది భక్తుల హృదయాల్లో చిరస్థాయిగా నిలిచారని కొనియాడారు. పేదలకు సత్యసాయి సేవా ట్రస్టు ద్వారా ఉచితంగా వైద్య సేవలు, విద్యా సంస్థలు నిర్వహణ అందించడం గొప్ప విషయమన్నారు. కార్యక్రమంలో డీవైఎస్‌ఓ రమేష్‌, సత్య సాయిబాబా సేవా సంస్థ జిల్లా అధ్యక్షుడు సిరిగే ప్రభాకర్‌, అధికారులు, సిబ్బంది పాల్గొన్నారు.
చీరల పంపిణీ త్వరగా పూర్తి చేయాలి
చేగుంట(తూప్రాన్‌): ఇందిరా మహిళా శక్తి చీరల పంపిణీ త్వరగా పూర్తి చేయాలని కలెక్టర్‌ రాహుల్‌రాజ్‌ అన్నారు. ఆదివారం మండల కేంద్రంలో చీరల పంపిణీ తీరును అడిగి తెలుసుకున్నారు. వీలైనంత త్వరగా పంపిణీ పూర్తి చేయాలని, చీరల కొరత ఉంటే ఉన్నతాధికారులకు తెలియజేయాలన్నారు. ఆయన వెంట ఎంపీడీఓ చిన్నారెడ్డి, తహసీల్దార్‌ శివప్రసాద్‌, ఏపీఎం దుర్గాప్రసాద్‌ మహిళ సంఘాల సభ్యు లు పాల్గొన్నారు.
మెదక్‌మున్సిపాలిటీ: సత్యసాయి సేవా ట్రస్ట్‌ ఆధ్వర్యంలో నిర్వహిస్తున్న సేవలు ఆమోఘమని ఎస్పీ డీవీ శ్రీనివాసరావు అన్నారు. ఆదివారం జిల్లా పోలీస్‌ ప్రధాన కార్యాలయంలో సత్య సాయి శత జయంతి వేడుకలు నిర్వహించారు. ఈసందర్భంగా ఎస్పీ మాట్లాడుతూ.. సూపర్‌ స్పెషాలిటీ ఆస్పత్రి ద్వారా వేలాది మందికి ఉచిత చికిత్స అందించడం గొప్పవిషయమని కొనియాడారు. ఆరోగ్యం, విద్య, సేవ రంగాల్లో ఆయన స్థాపించిన సంస్థలు దేశవ్యాప్తంగా లక్ష లాది మందికి ఆశాకిరణాలుగా నిలుస్తున్నాయన్నారు. కార్యక్రమంలో అదనపు ఎస్పీ మహేందర్‌, సిబ్బంది పాల్గొన్నారు.
కలెక్టర్‌ రాహుల్‌రాజ్‌
