TV
పక్షం రోజుల్లో మరమ్మతులు
పుల్‌కల్‌(అందోల్‌): సింగూరు డ్యామ్‌ మరమ్మతు పనులు పక్షం రోజుల్లో పనులు ప్రారంభిస్తామని కమిటీ స్పష్టం చేసింది. సింగూరు ప్రాజెక్టు మరమ్మతుల పరిశీలన కోసం ప్రభుత్వం నియమించిన నిపుణుల కమిటీ శనివారం ప్రాజెక్టును సందర్శించింది. ఈ సందర్భంగా కమిటీ సభ్యులు మాట్లాడుతూ...డ్యామ్‌ సాగు, తాగునీటి పథకాలను అంచనావేస్తూ దశలవారీగా నీటిని దిగువకు వదిలి మరమ్మతులు చేపడతామన్నారు. ప్రస్తుతం డ్యామ్‌లో 17 టీఎంసీల నీటి నిల్వ ఉందని తెలిపారు. ప్రస్తుతం డ్యామ్‌ మట్టికట్టకు 800 మీటర్ల బుంగ కనిపిస్తుందని, దిగువకు ఎంతవరకు ఉందో నీరు తొలగిస్తేనే తెలుస్తుందని వివరించారు. దిగువ వరకు బుంగ ఉంటే నీరు మొత్తం ఖాళీ చేయాల్సి ఉంటుందని, దిగువకు కొద్ది మొత్తంలో ఉంటే రెండు, మూడు టీఎంసీలు నిల్వ ఉంచుకోవచ్చని కమిటీ అభిప్రాయం తెలిపింది. ప్రాజెక్టు బహుళ ప్రయోజనాల దృష్ట్యా మరమ్మతు పనులు 50 ఏళ్ల వరకు మన్నిక ఉండేలా చేపట్టాలని సూచిస్తుందని కమిటీ సభ్యులు తెలిపారు. అనంతరం డ్యామ్‌ గేట్‌లను, మిషన్‌ భగీరథ ప్లాంట్‌లను పరిశీలించారు. డ్యామ్‌ మరమ్మతు పనులు జరుగుతున్నప్పుడు బోరుబావులు తవ్వి గ్రామాల్లో తాగునీటి ఎద్దడిని నివారిస్తామని మిషన్‌ భగీరథ ఇంజనీర్లు తెలిపారు. డ్యామ్‌ను పరిశీలించిన కమిటీ సభ్యుల్లో ఈఎన్‌సీ (జనరల్‌) అంజత్‌ హుస్సేన్‌, మిషన్‌ భగీరథ ఈఎన్‌సీ కృపాకర్‌రెడ్డి, డిజైన్‌ సీఈ సత్యనారాయణరెడ్డి, హెచ్‌ఎండబ్ల్యూఎస్‌ టెక్నికల్‌ డైరెక్టర్‌ సుదర్శన్‌, సీజీఎం బ్రిజేశ్‌, సీఈ శ్రీనివాస్‌, ఎస్‌ఈ పోచమళ్లు ఉన్నారు.
సింగూరు ప్రాజెక్టును పరిశీలించిననిపుణుల బృందం
సాగు, తాగునీటికి ప్రత్యామ్నాయ ఏర్పాట్లు
