పరేడ్‌తో ఫిట్‌నెస్‌, క్రమశిక్షణ

మెదక్‌ మున్సిపాలిటీ/పాపన్నపేట: జిల్లా పోలీస్‌ కార్యాలయంలో శనివారం సిబ్బంది పరేడ్‌ నిర్వహించగా, అదనపు ఎస్పీ మహేందర్‌ పర్యవేక్షించారు. ఈసందర్భంగా ఆయన మాట్లాడుతూ.. పోలీస్‌ సిబ్బందిలో ఫిట్‌నెస్‌, క్రమశిక్షణ, టీమ్‌ స్పిరిట్‌ పెంపొందించడంలో పరేడ్‌ కీలకపాత్ర పోషిస్తుందన్నారు. ప్రతి పోలీస్‌ అధికారి మర్యాద, వినయం, వృత్తి నైపుణ్యంతో వ్యవహరించాలన్నారు. తద్వారా ప్రజల్లో నమ్మకాన్ని పెంపొందించాలని సూచించారు. స్థానిక సంస్థల ఎన్నికల నేపథ్యంలో ప్రతి ఒక్కరూ అప్రమత్తంగా, బాధ్యతగా విధులు నిర్వర్తించాలని ఆదేశించారు. నేర నివారణ, శాంతిభద్రతల పరిరక్షణలో కట్టుదిట్టమైన చర్యలు తీసుకోవాలని సూచించారు. కార్యక్రమంలో మెదక్‌ డీఎస్పీ ప్రసన్నకుమార్‌, రూరల్‌ సీఐ జార్జ్‌, మెదక్‌ టౌన్‌ సీఐ మహేశ్‌, ఆర్‌ఐ రామకృష్ణ, సిబ్బంది పాల్గొన్నారు. అంతకుముందు పాపన్నపేట జూనియర్‌ కళాశాల విద్యార్థులు మల్లంపేటలో నిర్వహించిన ఎన్‌ఎస్‌ఎస్‌ శిబిరం ముగింపు కార్యక్రమానికి హాజరై మాట్లాడారు. ఎన్‌ఎస్‌ఎస్‌ శిబిరం విద్యార్థికి సేవాభావం, దేశభక్తి, క్రమశిక్షణ, ఐకమత్యం, జాతీయ స్ఫూర్తిని నేర్పుతుందన్నారు. అనంతరం ఇంటర్‌ మీడియెట్‌ అధికారి మాధవి మాట్లాడుతూ.. విద్యార్థులు క్యాంపులో నేర్చుకున్న అంఽశాలు, నిత్య జీవితంలో వినియోగించుకోవాలని సూచించారు.

అదనపు ఎస్పీ మహేందర్‌