TV
సమన్వయంతో పని చేయండి
మెదక్‌జోన్‌: చేగుంట వద్ద ఆర్వోబీ నిర్మాణానికి నిధులు మంజూరు చేయించానని, అధికారులు సమన్వయంతో పనులు చేయించాలని ఎంపీ రఘునందన్‌రావు అన్నారు. శనివారం కలెక్టరేట్‌లోని సమావేశ మందిరంలో కలెక్టర్‌ రాహుల్‌రాజ్‌తో పాటు వివిధ శాఖల అధికారులతో సమావేశం నిర్వహించారు. ఈసందర్భంగా ఎంపీ మాట్లాడుతూ.. బ్రిడ్జి నిర్మాణానికి రూ. 41.5 కోట్లు మంజూరు, కాగా టెండర్‌ ప్రక్రియ సైతం పూర్తయిందన్నారు. అన్నిశాఖల అధికారులు వారి పరిధిలోని పనులను త్వరితగతిన పూర్తి చేయించాలన్నారు. వాహనదారులకు ఇబ్బందులు కలగకుండా దారి మళ్లించి నిర్మాణ పనులకు ఎలాంటి ఆటంకం కలుగకుండా చూడాలన్నారు.
ఎంపీ రఘునందన్‌రావు
