కుట్రపూరితంగా పక్కన పెట్టారు

రామాయంపేట(మెదక్‌): రామాయంపేట పీఏసీఎస్‌ పాలకవర్గం పునరుద్ధరణ విషయమై అధికారులు తమను మోసం చేశారని మాజీ డైరెక్టర్లు పోచమ్మల ఐలయ్య, లద్ద నిర్మల ఆరోపించారు. శనివారం వారు విలేకరులతో మాట్లాడుతూ.. లెక్కల విషయమై తేడా ఉండటంతో మొదట్లో అధికారులు సంఘాన్ని రద్దు చేశారని తెలిపారు. అనంతరం కొందరు డైరెక్టర్లు హైకోర్టును ఆశ్రయించగా, స్టే విధించిందన్నారు. కాగా పాలకవర్గంలోని కొందరు డైరెక్టర్లు సంఘానికి బాకీ ఉన్నా, నిబంధనలకు విరుద్ధంగా వారిని కొనసాగిస్తున్నారని ఆరోపించారు. తాము సంఘానికి ఎలాంటి అప్పు లేకపోయినా కుట్రపూరితంగా పక్కన పెట్టారని వాపోయా రు. ఈవిషయమై న్యాయపోరాటం చేస్తామని పేర్కొన్నారు. సమావేశంలో ఎమ్మార్పీస్‌ నాయకుడు నర్సింలు పాల్గొన్నారు.