భోజనం బాగుంటుందా..?

మెదక్‌జోన్‌: జిల్లా కేంద్రంలోని సమీకృత బాలుర వసతి గృహాన్ని కలెక్టర్‌ రాహుల్‌రాజ్‌ గురువారం రాత్రి ఆకస్మికంగా తనిఖీ చేశారు. ఈసందర్భంగా విద్యార్థులతో మాట్లాడారు. నూతన దుప్పట్లు పంపిణీ చేశారా? అని ఆరా తీశారు. అలాగే సమస్యల గురించి అడిగి తెలుసుకున్నారు. భోజనం బాగుంటుందా, పరిసరాల పరిశుభ్రత, వార్డెన్లు అందుబాటులో ఉంటున్నారా అని తెలుసుకున్నారు. ఎలాంటి ఇబ్బందులు లేకుండా ప్రభుత్వం నుంచి వచ్చే ప్రతి లబ్ధిని విద్యార్థులకు అందించాలని అధికారులను ఆదేశించారు.

స్థానిక ఎన్నికలకు సిద్ధంగా ఉండాలి

మెదక్‌ కలెక్టరేట్‌: స్థానిక ఎన్నికల నిర్వహణకు అధికారులంతా సిద్ధంగా ఉండాలని కలెక్టర్‌ రాహుల్‌రాజ్‌ అధికారులను ఆదేశించారు. గురువారం హైదరాబాద్‌ నుంచి సీఎస్‌ రామకృష్ణారావు, డీజీపీ శివధర్‌రెడ్డితో కలిసి రాష్ట్ర ఎన్నికల కమిషనర్‌ రాణి కుముదిని వీడియో కాన్ఫరెన్స్‌ నిర్వహించారు. ఈసందర్భంగా కలెక్టర్‌ మాట్లాడుతూ.. నిబంధనల ప్రకారం రిజర్వేషన్ల ప్రక్రియ చేపడతామని, ఎన్నికల నిర్వహణకు అవసరమయ్యే సిబ్బంది, సామగ్రిని సమకూర్చేందుకు చర్యలు తీసుకుంటామని తెలిపారు. అనంతరం జిల్లాలోని ఆయా శాఖల అధికారులతో టెలీ కాన్ఫరెన్స్‌ నిర్వహించారు. 492 పంచాయతీలకు, 4,220 వార్డులకు ఎన్నికల కమిషన్‌ ఎప్పుడు నోటిఫికేషన్‌ ఇచ్చిన అధికారులందరూ సంసిద్ధంగా ఉండాలని ఆదేశించారు. కార్యక్రమంలో ఎస్పీ శ్రీనివాసరావు, అదన పు ఎస్పీ మహేందర్‌, జెడ్పీ సీఈఓ ఎల్లయ్య, జిల్లా పంచాయతీ అధికారి యాదయ్య, జిల్లా రెవెన్యూ అధికారి భుజంగరావు, అధికారులు తదితరులు పాల్గొన్నారు.

హాస్టల్‌ విద్యార్థులను ఆరా తీసిన కలెక్టర్‌