అంతర పంటలతో అధిక ఆదాయం | - | Sakshi
Sakshi News home page

అంతర పంటలతో అధిక ఆదాయం

Nov 21 2025 12:54 PM | Updated on Nov 21 2025 12:54 PM

అంతర పంటలతో అధిక ఆదాయం

అంతర పంటలతో అధిక ఆదాయం

రామాయంపేట(మెదక్‌): అంతర పంటలు సాగు చేయడం ద్వారా అదనపు ఆదాయం పొందవచ్చని జిల్లా వ్యవసాయ అధికారి దేవ్‌కుమార్‌ అన్నారు. గురువారం స్థానిక రైతు వేదికలో ఆయిల్‌పాం సాగు విషయమై రైతులకు అవగాహన కల్పించారు. రైతులు పెట్టుబడి ఖర్చులు తగ్గించుకోవాలంటే దీర్ఘకాలిక పంటల వైపు దృష్టి సారించాలన్నారు. ఎరువులు, పురుగు మందులు అధికంగా వినియోగిస్తే ఖర్చులు పెరగడంతో పాటు నేల, నీరు కాలుష్యానికి దారి తీస్తుందని వివరించారు. వ్యవసాయ అధికారుల సూచనల మేరకే రైతులు ఎరువులు, క్రిమి సంహారక మందులు వాడాలని సూచించారు. అనంతరం జిల్లా ఉద్యాన, పట్టు పరిశ్రమ శాఖ అధికారి ప్రతాప్‌సింగ్‌ మాట్లాడుతూ.. ఆయిల్‌పాం పంటను ప్రోత్సహించడానికి ప్రభు త్వం ప్రత్యేక చట్టం రూపొందించిందన్నారు. ఈమేరకు రైతులు పండించిన పంట ఉత్పత్తులను ప్రభుత్వమే కొనుగోలు చేస్తుందన్నారు. ఏడీఏ రాజ్‌నారాయణ మాట్లాడుతూ.. ప్రతి మంగళవారం రైతు వేదికలో నిర్వహించే రైతు నేస్తం కార్యక్రమంలో రైతులు పాల్గొనాలని కోరారు.

డీఏఓ రాజ్‌నారాయణ

Advertisement

Related News By Category

Related News By Tags

Advertisement
 
Advertisement
Advertisement