ముమ్మరంగా ధాన్యం సేకరణ

కౌడిపల్లి(నర్సాపూర్‌): జిల్లాలో ఇప్పటివరకు కొనుగోలు కేంద్రాల ద్వారా లక్షా 40 వేల మెట్రిక్‌ టన్నుల ధాన్యం కొనుగోలు చేసి రూ.186.40 కోట్లు రైతులకు చెల్లించామని కలెక్టర్‌ రాహుల్‌రాజ్‌ తెలిపారు. బుధవారం మండలంలోని రాయిలాపూర్‌లో ధాన్యం కొనుగోలు కేంద్రాన్ని పరిశీలించారు. ఈసందర్భంగా ఆయన మాట్లాడుతూ.. గతేడాది కంటే ఈసారి ధాన్యం కొనుగోలు వేగవంతంగా జరుగుతుందన్నారు. కొనుగోలు చేసిన ధా న్యం రైస్‌ మిల్లులకు తరలిస్తున్నామని తెలిపారు. ఎక్కడ సమస్య లేకుండా కొనుగోళ్లు సాగుతున్నాయని చెప్పారు. రైతులు ప్యాడీ క్లీనర్లను ఉపయోగించడం వల్ల నాన్యమైన ధాన్యం వస్తుందని వివరించారు. కార్యక్రమంలో తహసీల్దార్‌ కృష్ణ, ఆర్‌ఐ విజయలక్ష్మి, నిర్వాహకులు సత్యం, కుమార్‌, రైతులు పాల్గొన్నారు.

నేటి నుంచి

ఇందిరమ్మ చీరల పంపిణీ

మెదక్‌ కలెక్టరేట్‌: దివంగత మాజీ ప్రధాని ఇందిరాగాంధీ జయంతిని పురస్కరించుకొని గురువారం నుంచి జిల్లాలోని మహిళా సంఘాల సభ్యులకు చీరలు పంపిణీ చేస్తామని కలెక్టర్‌ రాహుల్‌రాజ్‌ తెలిపారు. బుధవారం హైదరాబాద్‌ సచివాలయం నుంచి సీఎం రేవంత్‌రెడ్డి నిర్వహించిన వీ డియో కాన్ఫరెన్స్‌కు హాజరయ్యారు. అనంతరం ఆయన మాట్లాడుతూ.. జిల్లాలో 13 వేల స్వయం సహాయక సంఘాల్లో 1.35 లక్షల మంది సభ్యులు ఉన్నారని, అందరికీ ఇందిరమ్మ చీరల పంపిణీ జరగాలన్నారు. ప్రతీ అసెంబ్లీ నియోజకవర్గానికి ఒక అధికారిని నియమిస్తామన్నారు.

కలెక్టర్‌ రాహుల్‌రాజ్‌