అవిశ్రాంతపోరాటం

మెదక్‌జోన్‌: సుదీర్ఘకాలం ఉద్యోగ నిర్వహణ బాధ్యతలు పూర్తి చేసి, పదవీ విరమణ పొందిన ఉద్యోగులు.. ప్రస్తు తం తాము దాచుకు న్న సొమ్ముతో పాటు రావాల్సిన రిటైర్మెంట్‌ బెనిఫిట్స్‌ కోసం కళ్లు కాయలుకాసేలా ఎదురుచూస్తున్నారు. సర్వీస్‌లో దాచుకున్న డబ్బులు.. పదవీ విరమణతో అందే ఆర్థిక ప్రయోజనాలతో ఎన్నెన్నో కలలు కన్న వారి ఆశలు ఆడియాశలుగానే మారుతున్నాయి. బిడ్డ పెళ్లికి, సొంత ఇంటికి, పిల్లల చదువులకు ఢోకా లేదనుకుంటే సమయానికి ప్రభుత్వం నుంచి డబ్బులు రాక.. అప్పులు తెచ్చుకోవాల్సిన దుస్థితి నెలకొందని ఆవేదన చెందుతున్నారు. జిల్లాలో ఈ ఏడాదికాలంలో 165 మంది వివిధ శాఖల్లో విధులు నిర్వర్తించి పదవీ విరమణ పొందారు. అందులో విద్యాశాఖలోనే అత్యధికంగా ఉన్నారు. కాగా వారికి ప్రభుత్వం నుంచి రావాల్సిన ప్రయోజనాలు ఇప్పటి వరకు రాకపోవడంతో ఆందోళన చెందుతున్నారు. వృద్ధాప్యంలో ప్రభుత్వ కార్యాలయాలు, అధికార పార్టీ నేతల చుట్టూ ప్రదక్షిణలు చేస్తున్నారు. ఇప్పటికై నా ఉన్నతాధికారులు, ప్రభుత్వం స్పందించి ఉద్యోగ విరమణ పొందిన వారికి వెంటనే ప్రయోజనాలు ఇచ్చి ఆదుకోవాలని కోరుతున్నారు.

ఓ జిల్లా అధికారి రాష్ట్ర ప్రభుత్వ శాఖలో 36 ఏళ్ల పాటు ఉద్యోగం చేసి ఏడాదిన్నర క్రితం పదవీ విరమణ పొందాడు. అతనికి ప్రభుత్వం నుంచి రావాల్సిన జీపీఎఫ్‌, కమిటేషన్‌, గ్రాట్యూటీ, సరెండర్‌ లీవ్స్‌, ఈఎల్స్‌ మొత్తం కలిపి రూ. 86 లక్షలు రావాల్సి ఉంది. కొన్నినెలల క్రితం కోర్టును ఆశ్రయించగా, ఒక్క జీపీఎఫ్‌ మాత్రం రూ. 8 లక్షలు వచ్చింది. పిల్లల చదువు కోసం బయట అప్పులు చేశాడు. బెన్‌ఫిట్స్‌ రాకపోవటంతో ఆందోళన చెందుతున్నాడు.

మరో ఉద్యోగి తూప్రాన్‌ సర్కిల్‌ పరిధి విద్యాశాఖలో 36 ఏళ్ల పాటు ఉద్యోగం చేసి 14 నెలల క్రితం పదవీ విరమణ పొందాడు. బెనిఫిట్స్‌ రాకపోవటంతో కోర్టును ఆశ్రయించాడు. ఈ పరిస్థితి ఈ ఇద్దరిదే కాదు, జిల్లాలో వందలాది మంది ఆవేదన.

ఏడాదిగా అందనిరిటైర్మెంట్‌ బెనిఫిట్స్‌