పోరాటాలకు సిద్ధం కావాలి

సీఐటీయూ రాష్ట్ర అధ్యక్షుడు చుక్క రాములు

మెదక్‌ కలెక్టరేట్‌: కార్మికుల హక్కులను కాలరాస్తున్న కేంద్ర ప్రభుత్వ విధానాలపై పోరాటాలకు సిద్ధం కావాలని సీఐటీయూ రాష్ట్ర అధ్యక్షుడు చుక్క రాములు పిలుపునిచ్చారు. బుధవారం మెదక్‌లోని టీఎన్‌జీఓ భవన్‌లో ఆయన విలేకరులతో మాట్లాడారు. వచ్చే నెల 7, 9 తేదీల్లో జిల్లాలో జరగనున్న సీఐటీయూ రాష్ట్ర మహాసభలకు పలువురు ప్రముఖులు హాజరవుతారని తెలిపారు. మహాసభల నిర్వహణకు ప్రజలు, కార్మికులు, ఉద్యోగులు సహాయ సహకారాలు అందించాలని కోరారు. అసెంబ్లీ ఎన్నికల సందర్భంగా కాంగ్రెస్‌ ప్రభుత్వం కార్మికులకు ఇచ్చిన హామీలను అమలు చేయకుండా మోసం చేస్తుందన్నారు. కార్మికులకు ఇచ్చిన హామీలు అమ లు చేయని ముఖ్యమంత్రికి ప్రజాపాలన సంబరాలు జరిపే హక్కు ఎక్కడిదని ప్రశ్నించారు. కార్యక్రమంలో ఆహ్వానం సంఘం వైస్‌ చైర్మన్‌ మల్లికార్జున్‌, అడివయ్య, మల్లేశం, బాలమణి, కార్యదర్శి బాగారెడ్డి, బండ్ల స్వామి పాల్గొన్నారు.