సహకారంతో రైతులకు మేలు

కౌడిపల్లి(నర్సాపూర్‌): రైతులకు మేలు చేసేందుకే సహకార సంఘాలు ఉన్నాయని ఎమ్మెల్యే సునీతారెడ్డి తెలిపారు. మంగళవారం సహకార వారోత్సవాల్లో భాగంగా మండలంలోని మహమ్మద్‌నగర్‌ సహకార సంఘం కార్యాలయం వద్ద ఆయిల్‌పామ్‌ సాగు, డిపాజిట్ల సేకరణ, స్రైబర్‌క్రైమ్‌పై అవగాహన కల్పించారు. ఈ సందర్భంగా ఎమ్మెల్యే మాట్లాడుతూ మహమ్మద్‌నగర్‌ సొసైటీ ధాన్యం కొనుగోలు, రుణాల రికవరీతో లాభాల బాటలో నడుస్తుందన్నారు. ఆయిల్‌పామ్‌ సాగు లాభదాయకమని, సబ్సిడీ ఉన్నదున రైతులు సాగు చేయాలని సూచించారు. అనంతరం సొసైటీ చైర్మన్‌ గోవర్ధన్‌రెడ్డి మాట్లాడుతూ మహమ్మద్‌నగర్‌ సొసైటీ రూ.1,55 కోట్లతో లాభాల్లో ఉందన్నారు. సొసైటీలో 3,683మంది సభ్యులు ఉండగా 1163 మందికి రూ 9.4కోట్ల వ్యవసాయ, 47మందికి రూ 39.89లక్షల దీర్ఘకాలిక రుణాలు ఇచ్చామని తెలిపారు. ఈ కార్యక్రమంలో సొసైటీ వైస్‌చైర్మన్‌ చిన్నంరెడ్డి, అసిస్టెంట్‌ రిజిస్ట్రార్‌ రాజ్‌కిరణ్‌, జూనియర్‌ ఇన్‌స్పెక్టర్‌ మోహన్‌, ఏఓ స్వప్న, ఎంపీడీఓ శ్రీనివాస్‌, ఎంపీఓ రామారావ్‌, ఆయిల్‌పామ్‌ అసిస్టెంట్‌ మేనేజర్‌ అశోక్‌కుమార్‌, సొసైటీ డైరెక్టర్లు, రైతులు పాల్గొన్నారు.

ఆయిల్‌పామ్‌తో అధిక లాభాలు

కొల్చారం(నర్సాపూర్‌): సహకార సంఘాల సేవలను రైతులు వినియోగించుకోవాలని ఎమ్మెల్యే సునీతారెడ్డి పేర్కొన్నారు. మంగళవారం మండలంలోని రంగంపేట ప్రాథమిక వ్యవసాయ సహకార సంఘంలో నిర్వహించిన 75వ సహకార సంఘం వారోత్సవాల్లో ఆమె మాట్లాడారు. ఎక్కువ రుణం, తక్కువ వడ్డీ సహకార సంఘాల ద్వారా సాధ్యమవుతుందన్నారు. వాటిని సద్వినియోగం చేసుకోవాలని కోరారు. పంట మార్పిడి లో భాగంగా ప్రస్తుతం ఆయిల్‌పామ్‌ సాగుకు రైతులు ముందుకు రావాలని పిలుపునిచ్చారు. వరి ధాన్యం కొనుగోళ్ల విషయంలో ఇబ్బందులు లేకుండా చర్యలు తీసుకోవాని, సన్నాలకు బకాయి పడిన బోనస్‌ డబ్బులను వెంటనే విడుదల చేయాలని డిమాండ్‌ చేశారు. సంఘం చైర్మన్‌ రమేష్‌ కుమార్‌ మాట్లాడుతూ ఇప్పటివరకు సంఘం ద్వారా రూ.10 కోట్ల రుణాలను అందించామన్నారు. కార్యక్రమంలో సంఘం వైస్‌ చైర్మన్‌ మల్లేశం, ఏఓ శ్వేతా కుమారి, సంఘం డైరెక్టర్లు ప్రవీణ్‌ రెడ్డి, రమేష్‌, దుర్గేష్‌ గౌడ్‌, మాజీ చైర్మన్‌ మల్లేశం, సీఈఓ నవీన్‌, సిబ్బంది పాల్గొన్నారు.

ప్రభుత్వానికి వ్యతిరేకంగా మాట్లాడుతున్నారని బీఆర్‌ఎస్‌ నేతలపై అధికార కాంగ్రెస్‌ పార్టీ నేతలు కక్షపూరితంగా కేసుల పెడుతున్నారని ఎమ్మెల్యే సునీతారెడ్డి ఆరోపించారు. మంగళవారం విలేకరులతో మాట్లాడారు.ఎలాంటి ఆరోపణలు, రుజువులు లేకుండా కేసులు నమోదు చేయడం కాంగ్రెస్‌ పార్టీ ప్రజాస్వామ్యాన్ని ఖూనీ చేస్తుందన్నారు. మామిళ్ల ఆంజనేయులుపై అట్రాసిటీ కేసులను నమోదు చేశారన్నారు. ఎమ్మెల్సీ కవితపై తమ పార్టీ నాయకులు మాట్లాడితే కాంగ్రెస్‌కు వచ్చిన ఇబ్బంది ఏమిటని ప్రశ్నించారు.

ఎమ్మెల్యే సునీతారెడ్డి