వైద్య విద్యార్థులకు సౌకర్యాలు కల్పిస్తాం

● కలెక్టర్‌ రాహుల్‌రాజ్‌

● మాతా,శిశు ఆస్పత్రిలో వైద్యసేవలపై ఆరా

మెదక్‌జోన్‌: వైద్య విద్యార్థులకు అన్ని సౌకర్యాలు కల్పిస్తామని కలెక్టర్‌ రాహుల్‌రాజ్‌ తెలిపారు. మంగళవారం ఆయన పట్టణ శివారులోని పిల్లికొటాల్‌ వద్దగల మెడికల్‌ కాలేజీని సందర్శించి సౌకర్యాలపై ఆరాతీశారు. అలాగే నిర్మాణంలో ఉన్న క్రిటికల్‌ కేర్‌, మాతా, శిశు ఆస్పత్రిని సందర్శించి అధికారులు, మెడికోలతో మాట్లాడారు. కాలేజీలో ఎలాంటి అసౌకర్యాలు ఉన్నా అధికారుల దృష్టికి తీసుకెళ్లాలన్నారు. గతేడాది ఉత్తమ మార్కులు సాధించిన విద్యార్థులను అభినందించారు. విద్యార్థులు ర్యాగింగ్‌కు దూరంగా ఉండాలని, చట్టాలు కఠినంగా ఉన్న విషయం మరిచి పోవద్దన్నారు. అలాగే మాతా శిశు ఆస్పత్రిలో వైద్య సేవలు ఏవిధంగా అంతున్నాయని గర్భిణులను, బాలింతలను అడిగి తెలుసుకున్నారు. కార్యక్రమంలో జిల్లా వైద్యాధికారి శ్రీరామ్‌, ప్రభుత్వ మెడికల్‌ కళాశాల ప్రిన్సిపాల్‌ నితిన్‌ కాబ్రా, సూపరింటెండెంట్‌ సునీత, డీసీహెచ్‌ డాక్టర్‌ శిదయాల్‌తో పాటు ఫ్రొఫెసర్లు, వైద్యసిబ్బంది పాల్గొన్నారు.