నేరాల నియంత్రణకే కమ్యూనిటీ పోలీసు

మెదక్‌ డీఎస్పీ ప్రసన్నకుమార్‌

కొల్చారం(నర్సాపూర్‌): నేరాలను నియంత్రించేందుకు కమ్యూనిటీ పోలీసు దోహదపడుతోందని మెదక్‌ డీఎస్పీ ప్రసన్నకుమార్‌ అన్నారు. మంగళవారం మండలంలోని రంగంపేటలో 70 మంది సిబ్బందితో కలిసి ఇంటింటికి తిరిగి నివాసం ఉంటున్న వ్యక్తుల వివారాలపై ఆరా తీశారు. తనిఖీల్లో సరైన ధ్రువీకరణ పత్రాలు లేని వాహనాలను జరి మానాలను విధించారు. ఈ సందర్భంగా ఏర్పాటు చేసిన అవగాహన సదస్సులో డీఎస్పీ మాట్లాడారు. గ్రామాల్లో సురక్షితమైన వ్యవస్థను ఏర్పాటు చేసేందుకు కమ్యూనిటీ పోలీసు వ్యవస్థను ఏర్పాటు చేస్తున్నట్లు తెలిపారు. ఎలాంటి ఆధారం లేకుండా బయ ట నుంచి వచ్చే వ్యక్తులకు ఇళ్లలో ఉండేందుకు అవకాశం ఇవ్వవద్దని సూచించారు. రోడ్డు ప్రమాదాల నివారణకు తీసుకోవాల్సిన జాగ్రత్తలను వివరించారు. సైబర్‌ క్రైమ్‌ వల్ల ప్రజలు మోసపోతున్న విధానంపై వివరించారు. వాటి బారిన పడిన వారికి అవసరమైన సహాయాన్ని పోలీసు శాఖ ప్రత్యేక సెల్‌ ఏర్పాటు చేసి పూర్తి సహకారం అందిస్తున్నట్లు తెలిపారు. నేరాలు నియంత్రణకు గ్రామాల్లో సీసీ కెమెరాలు ఏర్పాటు చేసుకోవాలని సూచించారు. కార్యక్రమంలో మెదక్‌ రూరల్‌ సీఐ జార్జ్‌, అల్లాదుర్గం సీఐ రేణుక, కొల్చారం, పాపన్నపేట ఎస్‌ఐలు మహమ్మద్‌ మోహినొద్దీన్‌, శ్రీనివాస్‌ గౌడ్‌ పాల్గొన్నారు.