కేసుల విచారణలో వేగం పెంచాలి

డీఎస్పీ నరేందర్‌గౌడ్‌

తూప్రాన్‌: పోలీస్‌స్టేషన్లలో నమోదైన కేసుల్లో విచారణ వేగవంతం చేయాలని డీఎస్పీ నరేందర్‌గౌడ్‌ అన్నారు. మంగళవారం తూప్రాస్‌ సబ్‌ డివిజన్‌ పరిధిలోని సీఐలు, ఎస్‌ఐలతో ప్రత్యేక సమావేశం నిర్వహించారు. ఈ సందర్భంగా అక్టోబర్‌లో నమోదైన అన్ని కేసులను పరిశీలించారు. చాలా రోజులుగా పెండింగ్‌లో ఉన్న విచారణ కేసులపై ఆరా తీశారు. రోడ్డు ప్రమాదాలు ఎక్కువగా జరుగుతున్న నేపథ్యంలో పర్యవేక్షణ పెంచడం, సీసీ కెమెరాలు ఏర్పాటు, రోడ్డు భద్రత కోసం తీసుకోవాల్సిన చర్యలను సూచించారు. రాబోయే స్థానిక సంస్థల ఎన్నికలను దృష్టిలో పెట్టుకొని శాంతి భద్రతల కోసం ముందస్తు ప్రణాళికలు సిద్ధం చేయాలని సూచించారు.