ఖాతాదారులకు ఇబ్బందులు కలిగించొద్దు

కౌడిపల్లి(నర్సాపూర్‌): రుణాల పంపిణీలో బ్యాంకర్లు ఖాతాదారులకు ఇబ్బందులు కలిగించవద్దని లీడ్‌ బ్యాంక్‌ జిల్లా మేనేజర్‌ బా పూజీ అన్నారు. సోమవారం మండల కేంద్రంలోని రైతువేదికలో కౌడిపల్లి, కొల్చారం, పాపన్నపేట, వెల్దుర్తి మండలాలకు చెందిన బ్యాంకర్లు, ఐకేపీ అధికారులతో సమీక్ష నిర్వహించారు. ఈసందర్భంగా ఆయన మాట్లాడుతూ.. వ్యవసాయ, డ్వాక్రా రుణాలు, ఎస్సీ, ఎస్టీ, బీసీ, మైనార్టీల స్వయం ఉపాధి తదితర రుణా లు పంపిణీలో సమస్యలుంటే తెలియజేయాలన్నారు. కాగా తెలంగాణ గ్రామీణ బ్యాంకులో 11 నుంచి 18 ఏళ్లలోపు పిల్లలకు బ్యాంకు ఖాతాలు ఇవ్వడంలో ఉన్న సమస్య పరిష్కరించేందుకు చర్యలు తీసుకుంటామని చెప్పారు. కార్యక్రమంలో నాబార్డ్‌ డీడీఎం కృష్ణకాంత్‌, ఏపీడీ సరస్వతీ, ఎంపీడీఓ శ్రీనివాస్‌, ఎంపీఓ రామారావు, వివిధ బ్యాంకుల మేనేజర్లు, ఐకేపీ ఏపీఎంలు తదితరులు పాల్గొన్నారు.

ట్యాబ్‌ ఎంట్రీ తప్పనిసరి

చిలప్‌చెడ్‌(నర్సాపూర్‌): ధాన్యం కొనుగోలు జరిగిన వెంటనే, సంబంధిత వివరాలను ట్యాబ్‌లో నమోదు చేయాలని డీఎస్‌ఓ నిత్యానంద్‌ అన్నారు. సోమవారం మండల పరిధిలోని సోమక్కపేట్‌లో ధాన్యం కొనుగోలు కేంద్రాన్ని సందర్శించి తేమశాతం పరిశీలించారు. అనంతరం చిట్కుల్‌ శివారులోని చాముండేశ్వరి రైస్‌మిల్లులో ధాన్యం బస్తాల అన్‌లోడింగ్‌పై ఆరా తీశారు. రైతులు కేంద్రాలకు తీసుకొచ్చిన ధాన్యంలో తేమశాతం తక్కువగా, క్రమసంఖ్య ప్రకారం కొనుగోళ్లు చేయాలన్నారు. వెంటనే ట్యాబ్‌లో నమోదు చేయడంతో పాటు రైతుల ఖాతాల్లో డబ్బులు జమ అయ్యేలా చర్యలు తీసుకోవాలన్నారు. కార్యక్రమంలో సొసైటీ సీఈఓ పోచయ్య, రైతులు పాల్గొన్నారు.

మెదక్‌ చర్చి ట్రెజరర్‌గా సంపత్‌

మెదక్‌జోన్‌: ప్రపంచ ప్రఖ్యాతిగాంచిన మెదక్‌ చర్చి ట్రెజరర్‌గా గంట సంపత్‌ సోమ వారం బాధ్యతలు స్వీకరించారు. ఇటీవల ఎన్నికల జరిగిన ఎన్నికల్లో సంపత్‌ ప్యానెల్‌ ఘన విజయం సాధించిన విషయం తెలిసిందే. ఇందులో మూడు ప్యానెళ్లు బరిలో నిలవగా సంపత్‌ ప్యానెల్‌కు చెందిన 13 మంది సభ్యులు విజయం సాధించారు. ఈమేరకు పాస్టరేట్‌ సెక్రటరీ గెలెన్‌, సీనియర్‌ కమిటీ మెంబర్‌ ఫ్రాంక్‌ జాన్సన్‌, చర్చి సారధులుగా దేవప్రకాశ్‌, ప్రభుదేవానంద్‌, ప్రాపర్టీ సెక్రటరీగా సుజీత్‌ తదితరులను ఎన్నికున్నారు.

‘పొగమంచు.. తస్తాత్‌ జాగ్రత్త’

మెదక్‌ మున్సిపాలిటీ: చలికాలం పొగమంచుతో వాహనదారులు జాగ్రత్తలు పాటించాలని, లేదంటే ప్రమాదాలకు గురయ్యే అవకాశం ఉందని ఎస్పీ డీవీ శ్రీనివాసరావు అన్నారు. సోమవారం జిల్లా పోలీస్‌ ప్రధాన కార్యాలయంలో ఆయన మాట్లాడారు. జిల్లా పరిధిలో శీతాకాలం చలి తీవ్రంగా ఉందని, ఉదయం, రాత్రి వేళల్లో పొగమంచు పేరుకుపోవడంతో వాహనదారులు జాగ్రత్తగా వాహనాలు నడపాలని సూచించారు. లేదంటే ముందు ఉన్న వాహనాలు కనిపించకపోవడంతో ప్రమా దాలు జరిగే అవకాశం ఉందన్నారు.

మూడో వ్యక్తి జోక్యం వద్దు

మెదక్‌ మున్సిపాలిటీ: జిల్లా పోలీస్‌ ప్రధాన కార్యాలయంలో సోమవారం ఎస్పీ డీవీ శ్రీనివాసరావు జిల్లాస్థాయి ప్రజావాణి కార్యక్రమం నిర్వహించారు. ఈసందర్భంగా ప్రజల నుంచి ఫిర్యాదులు స్వీకరించారు. ప్రజలు తమ తమ సమస్యలపై 9 ఫిర్యాదులు అందజేయగా, వాటిని స్వీకరించి సంబంధిత పోలీస్‌స్టేషన్ల అధికారులతో మాట్లాడారు. చట్టప్రకారం న్యాయం జరిగేలా చర్యలు చేపట్టాలని సూచించారు. ప్రజలు మూడో వ్యక్తి జోక్యం లేకుండా నేరుగా పోలీస్‌ అధికారులను సంప్రదించాలన్నారు. చట్టబద్ధమైన మార్గంలోనే ప్రతి ఒక్కరికీ న్యాయం జరుగుతుందన్నారు. ప్రజల భద్రతను కాపాడటం, వారితో మరింత దగ్గరగా ఉండటమే మా ప్రధాన బాధ్యతని స్పష్టం చేశారు.

ఖాతాదారులకు ఇబ్బందులు కలిగించొద్దు

ఖాతాదారులకు ఇబ్బందులు కలిగించొద్దు