అర్జీలు త్వరగా పరిష్కరించాలి

● కలెక్టర్‌ రాహుల్‌రాజ్‌ ● ప్రజావాణికి 76 వినతులు

మెదక్‌ కలెక్టరేట్‌: పారదర్శక పాలన కోసం ప్రజావాణి కార్యక్రమం నిర్వహిస్తున్నామని కలెక్టర్‌ రాహుల్‌రాజ్‌ తెలిపారు. సోమవారం కలెక్టరేట్‌లో ప్రజల నుంచి అర్జీలు స్వీకరించారు. మొత్తం 76 వినతులు రాగా, అందులో భూ భారతి 36, ఇందిరమ్మ ఇళ్లు 8, పింఛన్లు 7, ఇతర సమస్యలపై 25 క లిపి మొత్తం 76 వినతులు వచ్చాయి. ఈసందర్భంగా కలెక్టర్‌ మాట్లాడుతూ.. స్వీకరించిన దరఖాస్తులను త్వరితగతిన పరిష్కరించి ఫిర్యాదుదారులకు న్యాయం చేయాలని అధికారులను ఆదేశించారు. కార్యక్రమంలో అదనపు కలెక్టర్‌ నగేశ్‌, జెడ్పీ సీఈఓ ఎల్లయ్య, డీఆర్డీఓ శ్రీనివాసరావు డీఆర్‌ఓ భుజంగరావు, అధికారులు పాల్గొన్నారు. అంతకుముందు సీ్త్ర, శిశు సంక్షేమశాఖ అధికారులతో సమీక్ష నిర్వహి ంచారు. కౌమారదశ పిల్లల ప్రవర్తనలో మార్పుపై సీ్త్ర, శిశు సంక్షేమశాఖ ఆ ధ్వర్యంలో డిసెంబర్‌ 14 వరకు స్పెషల్‌ డ్రైవ్‌ నిర్వహిస్తున్నట్లు తెలిపారు. కౌమారదశ విద్యార్థులకు, తల్లిదండ్రులు ఎలాంటి సమస్యలు ఉన్న కౌన్సిలింగ్‌ కోసం 94910 98181 టోల్‌ ఫ్రీ నంబర్‌లో సంప్రదించాలన్నారు. డీడబ్ల్యూఓ హేమాభార్గవి, సంబంధిత శాఖల అధికారులు పాల్గొన్నారు.

మంజూరైన ప్రతీ ఇల్లు నిర్మించాలి

టేక్మాల్‌(మెదక్‌): మంజూరైన ప్రతీ ఇందిరమ్మ ఇంటి నిర్మాణం పూర్తి చేయాలని కలెక్టర్‌ రాహుల్‌రాజ్‌ తెలిపారు. సోమవారం టేక్మాల్‌లో పర్యటించి ఇళ్ల పురోగతిని పరిశీలించారు. ఈసందర్భంగా ఆయన మాట్లాడుతూ.. కనీస నివాస గృహం ఉండాలన్న సంకల్పంతో ప్రభుత్వం మంజూరు చేసిన ఇందిరమ్మ ఇళ్ల నిర్మాణాలు జిల్లాలో వందశాతం త్వరగా పూర్తి కావాలన్నారు. లబ్ధిదారులకు సుమారు రూ. 55 కోట్ల బిల్లుల చెల్లింపు పూర్తి అయిందన్నారు.గ్రామాల వారీగా ఇంకా నిర్మాణాలు ప్రారంభించకుండా ఉన్న వాటి వివరాలను కలెక్టర్‌ అడిగి తెలుసుకున్నారు. అధికారులు క్షేత్రస్థాయిలో లబ్ధిదారులతో మాట్లాడి ఇళ్లను ప్రారంభించేలా చర్యలు తీసుకోవాలని ఆయన ఆదేశించారు.