కక్ష సాధింపు చర్యలు మానుకోవాలి

మెదక్‌మున్సిపాలిటీ: ప్రతిపక్ష నేతల మీద అక్రమ కేసులు, కక్షసాధింపు చర్యలు మానుకోవాలని బీఆర్‌ఎస్‌ జిల్లా అధ్యక్షురాలు పద్మారెడ్డి అన్నారు. సోమవారం మెదక్‌ డీఎస్పీ ప్రసన్నకుమార్‌ను కలిసి పార్టీ పట్టణ కన్వీనర్‌ మామిళ్ల ఆంజనేయులుపై నమోదైన ఎస్సీ, ఎస్టీ అట్రాసిటీ కేసుపై పూర్తిస్థాయిలో విచారణ జరపాలని కోరారు. సంఘటన జరగనప్పుడు ఎఫ్‌ఐఆర్‌ ఎలా చేస్తారని ప్రశ్నించారు. అధికార పార్టీ నేతలు ఇలాంటి కేసులు పెట్టు కుంటూ పోతే ఉపేక్షించేది లేదని హెచ్చరించారు. ప్రజల్లో పోలీస్‌ వ్యవస్థపై గౌరవం పెంచే విధంగా ఉండాలన్నారు. పార్టీ కార్యకర్తలకు, నాయకులకు అండగా ఉంటామన్నారు. ఇప్పటికై నా అధికార పార్టీ నేతలు ఇలాంటి తప్పుడు కేసులు పెట్టడం, బెదిరింపులకు గురి చేయడం మానుకోవాలని హెచ్చరించారు. లేకపోతే బీఆర్‌ఎస్‌ ఆధ్వర్య ంలో తీవ్ర పరిమాణాలు ఎదుర్కొవాల్సి వస్తుందని హెచ్చరించారు. ప్రతిపక్ష నాయకులపైన కేసులు పెట్టడంలో ఉన్న శ్రద్ధ మెదక్‌ అభివృద్ధిపై పెట్టాలని హితవు పలికారు. ఆమె వెంట మాజీ మున్సిపల్‌ చైర్మన్లు మల్లికార్జున్‌గౌడ్‌, జగపతి, మాజీ మార్కెట్‌ కమిటీ చైర్మన్‌ కృష్ణారెడ్డి నాయకులు ఉన్నారు.

బీఆర్‌ఎస్‌ జిల్లా అధ్యక్షురాలు పద్మారెడ్డి