TV
రోడ్డు ప్రమాదంలో తల్లి మృతి
● కుమారుడి పరిస్థితి విషమం
● మెదక్‌ జిల్లాలో ఘటన
చిన్నశంకరంపేట(మెదక్‌): రోడ్డు ప్రమాదంలో తల్లి మృతి చెందగా, కుమారుడి పరిస్థితి విషమంగా ఉంది. ఈ ఘటన నార్సింగి జాతీయ రహదారిపై మంగళవారం రాత్రి మెదక్‌ జిల్లాలో చోటుచేసుకుంది. పోలీసుల వివరాల ప్రకారం... వల్లాభాపూర్‌ గ్రామానికి చెందిన ధర్మారం బాలమణి(55), కుమారుడు రాములుతో కలిసి బైక్‌పై నార్సింగిలో ఆస్పత్రికి వచ్చి ఇంటికి తిరిగి వెళ్తున్నారు. ఈ క్రమంలో జాతీయ రహదారిపై వీరిని వెనకనుంచి గుర్తు తెలియని వాహనం ఢీకొట్టింది. దీంతో బాలమణి అక్కడికక్కడే మృతి చెందగా, కుమారుడు రాములుకు తీవ్రగాయాలయ్యాయి. వెంటనే అక్కడికి చేరుకున్న పోలీసులు రాములును రామాయంపేట ప్రభుత్వ ఆస్పత్రికి, మెరుగైన వైద్యం కోసం హైదరాబాద్‌కు తరలించారు. బాలమణి మృతదేహాన్ని పోస్ట్‌మార్టం నిమిత్తం రామాయంపేట ప్రభుత్వ ఆస్పత్రికి తరలించారు.
