రోడ్డు దాటుతుండగా వాహనం ఢీకొని..

పటాన్‌చెరు టౌన్‌: గుర్తుతెలియని వాహనం ఢీకొని వ్యక్తి మృతి చెందాడు. ఈ ఘటన పటాన్‌చెరు పోలీస్‌స్టేషన్‌ పరిధిలో చోటుచేసుకుంది. పోలీసుల వివరాల ప్రకారం... కర్ణాటక రాష్ట్రం, బీదర్‌కు చెందిన చంద్రశేఖర్‌ (30) హైదరాబాద్‌ హిమాయత్‌ నగర్‌లో ఉంటూ కూలి పని చేసుకుంటూ జీవనం సాగిస్తున్నారు. ఈ క్రమంలో పనిపై ఇస్నాపూర్‌ వైపు వచ్చిన చంద్రశేఖర్‌ శివారులోని ఓ పరిశ్రమ ఎదుట రోడ్డు దాటుతుండగా పటాన్‌చెరు నుంచి సంగారెడ్డి వైపు వెళ్తున్న గుర్తుతెలియని వాహనం ఢీకొట్టింది. దీంతో తీవ్రగాయాలైన చంద్రశేఖర్‌ అక్కడికక్కడే మృతి చెందాడు. సమాచారం తెలుసుకున్న పోలీసులు మృతదేహాన్ని పోస్టుమార్టం కోసం పటాన్‌చెరు ప్రభుత్వ ఆస్పత్రికి తరలించారు. మృతుడి తల్లి పోలీసులకు ఫిర్యాదు చేశారు.