TV
స్నానం చేసేందుకు వెళ్లి వృద్ధురాలు..
కల్హేర్‌(నారాయణఖేడ్‌): స్నానం చేసేందుకు వెళ్లిన వృద్ధురాలు నల్లవాగు ప్రాజెక్టులో మునిగి మృతి చెందింది. మంగళవారం సిర్గాపూర్‌ మండలం సుల్తానాబాద్‌ శివారులో ఈ ఘటన జరిగింది. ఎస్‌ఐ మహేశ్‌కుమార్‌ కథనం ప్రకారం... బోక్కస్‌గాం గ్రామానికి చెందిన ఓడ్డె నాగవ్వ(70) సమీపంలోని నల్లవాగు ప్రాజెక్టు వద్ద స్నానం చేసేందుకు వెళ్లింది. ప్రమాదవశాత్తు ప్రాజెక్టులో మునిగి మృతి చెందింది. మృతదేహం నీటిలో తేలడంతో స్థానికులు చూసి పోలీసులకు సమాచారం అందించారు. ఘటనా స్థలానికి చేరుకుని మృతదేహన్ని బయటకు తీశారు. నారాయణఖేడ్‌ ప్రభుత్వ ఆస్పత్రికి తరలించి పోస్టుమార్టం నిర్వహించారు.
