న్యూసెన్స్‌ చేసిన వ్యక్తి అరెస్ట్‌ | - | Sakshi
Sakshi News home page

న్యూసెన్స్‌ చేసిన వ్యక్తి అరెస్ట్‌

Nov 12 2025 9:42 AM | Updated on Nov 12 2025 9:42 AM

న్యూస

న్యూసెన్స్‌ చేసిన వ్యక్తి అరెస్ట్‌

న్యూసెన్స్‌ చేసిన వ్యక్తి అరెస్ట్‌ మద్యం విక్రయిస్తున్న దాబా సీజ్‌ మందు బాబులకు జరిమాన శతాధిక వృద్ధురాలు మృతి విద్యుదాఘాతంతో వ్యక్తి ..

సిద్దిపేటకమాన్‌: అర్ధరాత్రి న్యూసెన్స్‌ చేసిన వ్యక్తిని పోలీసులు అరెస్ట్‌ చేశారు. ఈ ఘటన సిద్దిపేట పట్టణంలో చోటు చేసుకుంది. టూటౌన్‌ ఇన్‌చార్జి సీఐ వాసుదేవరావు వివరాల ప్రకారం.. కూలీ పనులు చేసుకునే నర్సాపూర్‌ గ్రామానికి చెందిన గొల్ల రాకేశ్‌ అలియాస్‌ బొల్లమైన కృష్ణ గ్రామానికి చెందిన ఓ మహిళ ఇంటి వద్దకు సోమవారం అర్ధరాత్రి వెళ్లాడు. మహిళ భర్త లేడనే విషయాన్ని తెలుసుకుని ఇంటికి గడియ వేసి, కరెంట్‌ తీసేసి గొడవ చేశాడు. దీంతో బాధితురాలు మంగళవారం పోలీసులకు ఫిర్యాదు చేయగా ఎస్‌ఐ ఆసిఫ్‌ నిందితుడిని అరెస్ట్‌ చేసి, రిమాండ్‌కు తరలించారు. కార్యక్రమంలో ఎస్‌ఐలు ఆసిఫ్‌, శ్రీనివాస్‌, క్రైమ్‌ కానిస్టేబుల్స్‌ కనకరాజు, సందీప్‌రెడ్డి, ప్రశాంత్‌ పాల్గొన్నారు.

టీవీ చోరీ నిందితుడు..

దుబ్బాక: ఇంట్లో నుంచి ఎల్‌ఈడీ టీవీ దొంగిలించిన నిందితుడిని అరెస్టు చేశారు. ఎస్‌ఐ కీర్తి రాజు వివరాలు ఇలా.. పట్టణానికి చెందిన గాజుల భాస్కర్‌ ఇంట్లో నుంచి ఈ నెల 7న గుర్తుతెలియని వ్యక్తి 48 ఇంచుల ఎల్‌ఈడీ టీవీని ఎత్తుకెళ్లాడు. దీంతో బాధితుడు పోలీసులకు ఫిర్యాదు చేయగా దర్యాప్తులో భాగంగా డబుల్‌బెడ్రూమ్‌లో ఉండే మనోజ్‌గా గుర్తించారు. అతడ్ని అదుపులోకి తీసుకొని విచారించగా నేరం అంగీకరించాడు. టీవీని స్వాధీనం చేసుకొని నిందితుడిని దుబ్బాక కోర్టులో హాజరుపర్చగా న్యాయమూర్తి 14 రోజుల రిమాండ్‌ విధించారు.

నిర్వాహకుడితో పాటు, పలువురిపై కేసు

సిద్దిపేటజోన్‌/సిద్దిపేటకమాన్‌: అక్రమంగా మద్యం విక్రయిస్తున్న దాబాను పోలీసులతో కలిసి, మున్సిపల్‌ అధికారులు మంగళవారం సీజ్‌ చేశారు. టూటౌన్‌ ఇన్‌చార్జి సీఐ వాసుదేవరావు వివరాల ప్రకారం.. పట్టణంలోని వేములవాడ కమాన్‌ వద్ద గాయత్రి దాబా హోటల్‌లో అక్రమంగా మద్యం సిట్టింగ్‌ నిర్వహిస్తున్నట్లు సమాచారం రావడంతో టూటౌన్‌ ఎస్‌ఐ ఆసిఫ్‌ సిబ్బందితో వెళ్లి తనిఖీలు నిర్వహించారు. తనిఖీల్లో దాబా నిర్వాహకుడు శ్రీనివాస్‌, పనిచేసే వ్యక్తి బికాస్‌, మద్యం తాగుతున్న కుమార్‌, రామచంద్రంలపై పోలీసులు కేసు నమోదు చేసి, మున్సిపల్‌ అధికారులకు విషయం తెలిపారు. దీంతో మంగళవారం మున్సిపల్‌ కమిషనర్‌ ఆశ్రిత్‌కుమార్‌, ఏసీపీ రవీందర్‌రెడ్డి, ఎస్‌ఐ ఆసిఫ్‌లతో కలిసి గాయత్రి దాబాను సీజ్‌ చేశారు.

గజ్వేల్‌రూరల్‌: గజ్వేల్‌–ప్రజ్ఞాపూర్‌ మున్సిపాలిటీ పరిధిలో నిర్వహించిన వాహన తనిఖీల్లో 8 మంది మద్యం తాగి పటుబడ్డారని గజ్వేల్‌ ట్రాఫిక్‌ సీఐ మురళి తెలిపారు. వీరిని మంగళవారం జ్యుడీషియల్‌ ఫస్ట్‌క్లాస్‌ మెజిస్ట్రేట్‌ స్వాతిగౌడ్‌ ఎదుట హాజరుపర్చగా విచారణ అనంతరం 8 మందికి రూ. 80వేల జరిమాన విధించారు. వీరిలో ఒకరికి 3 రోజుల జైలు శిక్ష పడినట్లు తెలిపారు.

మనోహరాబాద్‌(తూప్రాన్‌): మండలంలోని కాళ్లకల్‌ గ్రామానికి చెందిన కొత్తకాపు నర్సమ్మ(110) మంగళవారం మృతి చెందినట్లు కుటుంబీకులు తెలిపారు. కాగా మృతురాలు భర్త అంజయ్య గతంలోనే చనిపోయాడు. వీరికి ముగ్గురు కుమారులు, ముగ్గురు కుమార్తెలతో కలిపి మొత్తం 60 మంది వరకు కుటుంబ సభ్యులున్నారు.

రామాయంపేట(మెదక్‌): కరెంటు షాకుతో వ్యక్తి మృతి చెందగా, మరొకరికి గాయా లయ్యాయి. పోలీసుల కథ నం మేరకు... నిజాంపేట మం డలం నస్కల్‌ గ్రామానికి చెందిన ఒక్కన్నగారి లాలాగౌడ్‌(53) రామా యంపేటలో హోటల్‌ వ్యాపారం నిర్వహిస్తున్నారు. ఉదయం లాలాగౌడ్‌ మరో వ్యక్తి ఒండారి వినయ్‌తో కలిసి హోటల్‌ శుభ్రపరుస్తున్న క్రమంలో ఫాస్ట్‌ఫుడ్‌ తయారు చేసే ఇనుప జాలీని పక్కకు లాగుతుండగా ఇద్దరికి కరెంటు షాక్‌ కొట్టింది. ఇద్దరు కిందపడిపోగా, వినయ్‌ లేచి చూసేసరికి లాలాగౌడ్‌ స్ఫృహ తప్పాడు. ఇతరుల సహాయంతో ఆస్పత్రికి తరలించగా, అక్కడ మృతి చెందాడు.

న్యూసెన్స్‌ చేసిన వ్యక్తి అరెస్ట్‌ 
1
1/2

న్యూసెన్స్‌ చేసిన వ్యక్తి అరెస్ట్‌

న్యూసెన్స్‌ చేసిన వ్యక్తి అరెస్ట్‌ 
2
2/2

న్యూసెన్స్‌ చేసిన వ్యక్తి అరెస్ట్‌

Advertisement

Related News By Category

Related News By Tags

Advertisement
 
Advertisement
Advertisement