సైక్లింగ్‌ పోటీలకు ఎన్‌సీసీ క్యాడెట్‌

సిద్దిపేటఎడ్యుకేషన్‌: పట్టణంలోని ప్రభుత్వ డిగ్రీ, పీజీ అటానమస్‌ కళాశాల విద్యార్థి ఎన్‌సీసీ క్యాడెట్‌ రవళి జాతీయ సైక్లింగ్‌ పోటీలకు ఎంపికై ంది. తెలంగాణ సైక్లింగ్‌ అసోసియేషన్‌ ఆధ్వర్యంలో ఇటీవల నిర్వహించిన రాష్ట్రస్థాయి పోటీల్లో 3వ స్థానంలో నిలిచి జాతీయ స్థాయి పోటీలకు ఎంపికై ంది. ఈ సందర్భంగా మంగళవారం కళాశాల ప్రిన్సిపాల్‌ డాక్టర్‌ సునీత, అధ్యాపకులు ఆమెను అభినందించారు. కార్యక్రమంలో ఎన్‌సీసీ కేర్‌టేకర్‌ కృష్ణయ్య, వైస్‌ ప్రిన్సిపాల్‌ డాక్టర్‌ అయోధ్యరెడ్డి, సీఓఈ డాక్టర్‌ గోపాలసుదర్శనం, ఐక్యూఏసీ కోఆర్డినేటర్‌ డాక్టర్‌ మధుసూదన్‌, ఫిజికల్‌ డైరెక్టర్‌ బాలకిషన్‌, కోచ్‌ వెంకట్‌ పాల్గొన్నారు.

కబడ్డీకి ఇద్దరు విద్యార్థులు

టేక్మాల్‌(మెదక్‌): 69వ ఎస్‌జీఎఫ్‌ రాష్టస్థాయి కబడ్డీ అండర్‌ –17 బాలుర, బాలికల పోటీలు భద్రాద్రి కొత్తగూడెం జిల్లాలో ఇటీవల నిర్వహించారు. ఈ పోటీల్లో ఉమ్మడి మెదక్‌ జిల్లా తరపున మండలంలోని జెడ్పీ ఉన్నత పాఠశాల ఎలకుర్తి నుంచి బాలుర విభాగంలో ఎం.సాయి నిహాల్‌, బాలికల విభాగంలో జి.రాధిక పాల్గొన్నారు. కాగా పోటీల్లో ప్రతిభ కనబర్చి జాతీయ స్థాయి జట్టు ప్రోబబుల్స్‌కి ఎంపికయ్యారు. వీరిని మంగళవారం ప్రధానోపాధ్యాయులు కె.అమరేందర్‌ రెడ్డి, వ్యాయామ ఉపాధ్యాయురాలు బి.శ్రీవిద్య, ఉపాధ్యాయ బృందం, గ్రామస్తులు అభినందించారు.

సైక్లింగ్‌ పోటీలకు ఎన్‌సీసీ క్యాడెట్‌