గజ్వేల్‌ తహసీల్దార్‌ కారుకు ప్రమాదం

కోహెడరూరల్‌(హుస్నాబాద్‌) : తహసీల్దార్‌ శ్రవణ్‌ కరీంనగర్‌ నుంచి గజ్వేల్‌ కార్యాలయానికి మంగళవారం తన కారులో వస్తున్నాడు. ఈ క్రమంలో మండలంలోని శంకనగర్‌ శివారులోని రాజీవ్‌ రహదారి వద్ద అదుపుతప్పి కల్వర్టును ఢీకొట్టింది. ఈ ప్రమాదంలో కారు ముందు భాగం ధ్వంసమవగా ఆయనకు స్వల్ప గాయాలయ్యాయి. స్థానికులు చికిత్స నిమిత్తం కరీంనగర్‌ ఆస్పత్రికి తరలించారు.

కౌడిపల్లి(నర్సాపూర్‌): అనుమతిలేని ఇసుకలారీని సీజ్‌ చేసినట్లు ఎస్‌ఐ మురళి తెలిపారు. మంగళవారం కౌడిపల్లి బస్టాండ్‌ సమీపంలో 765డీ జాతీయ రహదారిపై పోలీసులు పెట్రోలింగ్‌ చేస్తుండగా మెదక్‌ వైపునుండి ఇసుకలోడ్‌ లారీ ఇచ్చినట్లు తెలిపారు. కాగా లారీతోపాటు, ఇసుకకు సంబంధించి ఎలాంటి పత్రాలు లేవన్నారు. దీంతో కేసునమోదు చేసి సీజ్‌ చేసినట్లు ఎస్‌ఐ తెలిపారు.

మొబైల్‌షాపులో రూ.3.50

లక్షల ఫోన్‌లు అపహరణ

జోగిపేట(అందోల్‌): జోగిపేట పోలీస్‌స్టేషన్‌కు కూత వేటు దూరంలో సోమవారం అర్ధరాత్రి గుర్తు తెలియని దొంగలు ప్రధాన రహదారి ప్రక్కనే ఉన్న రెండు దుకాణాల్లో దొంగతనానికి పాల్పడ్డారు. వివరాలు ఇలా ఉన్నాయి. ఎదురెదురుగా ఉన్న దుకాణాల్లో దొంగతనానికి పాల్పడ్డారు. బండపోతుగల్‌ గ్రామానికి చెందిన ఎండీ ముజాయిద్‌ ఎప్పటిలాగే సోమవారం రాత్రి మొబైల్‌ షాప్‌నకు తాళం వేసి వెళ్లాడు. ఉదయం వచ్చి చూసే సరికి షట్టర్‌ తాళం తీసి ఉండడంతో లోనికి వెళ్లి చూడగా వీఓ, పోకో, ఒప్పో కంపెనీలకు చెందిన రూ.3.50 లక్షల విలువ చేసే 28 స్మార్ట్‌ఫోన్‌లను దొంగిలించారు. మరో ఘటనలో.. ఎస్‌బీఐ బ్యాంకుకు వెళ్లే దారిలో ఉన్న చింత రాజమల్లయ్య ఫర్టిలైజర్‌ షాపులో షట్టర్‌ తాళాలు పగులగొట్టి రూ.15వేల నగదును దోచుకున్న దృశ్యం సీసీ కెమెరాల్లో రికార్డు అయ్యింది.బాధితులు చింతల రాకేశ్‌, ముజాయిద్‌ పోలీసులకు ఫిర్యాదు చేశారు.