‘ప్లాస్టిక్‌’ను వనరుగా గుర్తించాలి

ములుగు ఉద్యాన వర్సిటీ వీసీ రాజిరెడ్డి

ములుగు(గజ్వేల్‌): ప్లాస్టిక్‌ను వ్యర్థంగా కాకుండా రీసైక్లింగ్‌కు ఉపయోగపడే వనరుగా గుర్తించాలని ములుగు ఉద్యాన వర్సిటీ వీసీ డాక్టర్‌ రాజిరెడ్డి తెలిపారు. మంగళవారం ప్లాస్టిక్‌ వ్యర్థాలు, రీసైక్లింగ్‌ నిర్వహణపై బిస్లెరీ ఇంటర్నేషనల్‌ ప్రైవేట్‌ లిమిటెడ్‌ సంస్థతో ఒప్పందం కుదుర్చుకున్నట్లు ఆయన పేర్కొన్నారు. ఈ ఒప్పందం కింద యూనివర్సిటీ ఉపయోగించిన ప్లాస్టిక్‌ను ప్రాంగణం నుంచే వేరు చేసి శుభ్రంగా రీసైక్లింగ్‌కు పంపాలన్నారు. బిస్లెరీ సంస్థ తమ వంతు బాధ్యతగా విద్యార్థులు, అధ్యాపకులు, బోధనేతర సిబ్బంది, హౌస్‌కీపింగ్‌కు ప్లాస్టిక్‌ నిర్వహణపై శిక్షణను అందిస్తుందని తెలిపారు. కార్యక్రమంలో బిస్లెరీ ఇంటర్నేషనల్‌ సంస్థ డైరెక్టర్‌ గణేశ్‌, విశ్వవిద్యాలయం అధికారులు పాల్గొన్నారు.