TV
రైతులను ఇబ్బంది పెట్టొద్దు
కౌడిపల్లి(నర్సాపూర్‌): కొనుగోలు కేంద్రాల్లో రైతులకు ఇబ్బందులు లేకుండా నిబంధనల ప్రకారం ధాన్యం కొనుగోలు చేయాలని డీసీఓ కరుణాకర్‌ సిబ్బందని ఆదేశించారు. శనివారం మండలంలోని మహమ్మద్‌నగర్‌, రాయిలాపూర్‌లో కొనుగోలు కేంద్రాలను ఆకస్మికంగా తనిఖీ చేసి తేమశాతం పరిశీలించారు. ఈసందర్భంగా ఆయన మాట్లాడుతూ.. ప్రభుత్వం కొనుగోలు కేంద్రాలతో గిట్టుబాటు ధర కల్పి స్తుందన్నారు. రైతులు నాణ్యమైన ధాన్యం తీసుకురావాలని సూచించారు. నిర్వాహకులు రైతులను ఇబ్బందులు పెట్టవద్దని ఆదేశించా రు. కార్యక్రమంలో సొసైటీ సీఈఓ దుర్గాగౌడ్‌, సిబ్బంది, రైతులు పాల్గొన్నారు.
దేశ ఔన్నత్యాన్ని చాటే గీతం
నర్సాపూర్‌: వందేమాతరం గీతం దేశ ఔన్నత్యాన్ని చాటుతుందని బీజేపీ జిల్లా అధ్యక్షుడు మల్లేశ్‌గౌడ్‌ అన్నారు. శనివారం పట్టణ చౌరస్తాలో విద్యార్థులు, పార్టీ నాయకులతో కలిసి వందేమాతరం గీతాన్ని సామూహికంగా ఆల పించారు. ఈసందర్భంగా ఆయన మాట్లాడుతూ.. కుల, మతాలకు అతీతంగా గీతం సారం తెలుసుకోవాలని కోరారు. కార్యక్రమంలో మల్లేశ్‌గౌడ్‌తో పాటు పార్టీ ప్రధాన కార్యదర్శి సురేశ్‌, ఓబీసీ రాష్ట్ర ఉపాధ్యక్షుడు రమేశ్‌గౌడ్‌, నాయకులు పాల్గొన్నారు. అనంతరం పట్టణ బీజేపీ మహిళా మోర్చా అధ్యక్షురాలిగా రాణికి నియామక పత్రం అందజేశారు.
టీఎంఎఫ్‌ నూతన కార్యవర్గం
మెదక్‌ కలెక్టరేట్‌: తెలంగాణ గణిత ఫోరం (టీఎంఎఫ్‌) జిల్లా నూతన కార్యవర్గాన్ని శనివారం జిల్లా కేంద్రంలోని ప్రభుత్వ ఉన్నత పాఠశాలలో ఎన్నుకున్నట్లు జిల్లా గౌరవ అధ్యక్షుడు సదన్‌ కుమార్‌ తెలిపారు. నూతన అధ్యక్షుడిగా కొండల్‌రెడ్డి (జెడ్పీహెచ్‌ఎస్‌, కూచన్‌పల్లి), ప్రధాన కార్యదర్శిగా గోపాల్‌ (జెడ్పీహెచ్‌ఎస్‌, జాన్సిలింగాపూర్‌), కోశాధికారిగా నాగరాజు(జెడ్పీహెచ్‌ఎస్‌, చిన్నశంకరంపేట), ఉపకోశాధికారిగా బాలరాజు (జెడ్పీహెచ్‌ఎస్‌, కుర్తివాడ)ను ఏకగ్రీవంగా ఎన్నుకున్నారు. ఈసందర్భంగా నూతన అధ్యక్షుడు కొండల్‌రెడ్డి మాట్లాడుతూ.. విద్యార్థుల్లో గణిత నైపుణ్యాలు పెంపొందించడానికి వివిధ కార్యక్రమాలు నిర్వహిస్తామన్నారు. కార్యక్రమంలో పూర్వ అధ్యక్షులు వరప్రసాద్‌, పంతంగి శ్రీనివాస్‌, ధనుంజయ్‌, తదితర గణిత ఉపాధ్యాయులు పాల్గొన్నారు.
ఘనంగా సీఎం రేవంత్‌ రెడ్డి
జన్మదిన వేడుకలు
మనోహరాబాద్‌(తూప్రాన్‌): సీఎం రేవంత్‌రెడ్డి జన్మదిన వేడుకలను శనివారం కాంగ్రెస్‌ నాయకులు ఘనంగా నిర్వహించారు. మండలంలోని కాళ్ళకల్‌ బంగారమ్మ దేవాలయంలో మాజీ ఎమ్మెల్యే మైనంపల్లి హన్మంతరావు, జిల్లా గ్రంథాలయ సంస్థ చైర్‌పర్సన్‌ సుహాసినిరెడ్డి, డీసీసీ అధ్యక్షుడు ఆంజనేయులుగౌడ్‌, రాష్ట్ర సర్పంచ్‌ల ఫోరం మాజీ వర్కింగ్‌ ప్రెసిడెంట్‌ మహిపాల్‌రెడ్డి ఆధ్వర్యంలో ప్రత్యేక పూజలు నిర్వహించారు. అనంతరం మండల కేంద్రంలో భారీ కేక్‌ను కట్‌ చేశారు. అనంతరం మహిళలు, పారిశుద్ధ్య కార్మికులకు టిఫిన్‌ బాక్స్‌లు అందజేశారు. అలాగే మండల కాంగ్రెస్‌ అధ్యక్షుడు మల్లారెడ్డి, గ్రామ అధ్యక్షుడు రంగాచారి శ్రీనివాస్‌గౌడ్‌ల ఆధ్వర్యంలో వేడుకలు నిర్వహించారు.
‘పాత పద్ధతిలోనే
పత్తి కొనుగోళ్లు చేయాలి’
సంగారెడ్డి: ఆన్‌లైన్‌ విధానానికి స్వస్తి చెప్పి పాత పద్ధతిలోనే పత్తి కొనుగోలు చేయాలని శివంపేట రైతులు డిమాండ్‌ చేశారు. శనివారం శివంపేట్‌ టోల్‌ గేట్‌ జాతీయ రహదారి 161 పై రైతులు నిరసన తెలిపారు.
రైతులను ఇబ్బంది పెట్టొద్దు
రైతులను ఇబ్బంది పెట్టొద్దు
