జాతీయ సాహసశిక్షణకు డిగ్రీ విద్యార్థిని

మెదక్‌జోన్‌: జాతీయ సాహస శిక్షణ శిబిరానికి మెదక్‌ ప్రభుత్వ డిగ్రీ కళాశాల బీఏ మొదటి సంవత్సరం విద్యార్థిని అన్నపూర్ణ ఎంపికై ంది. శుక్రవారం విద్యార్థినిని ఇన్‌చార్జి ప్రిన్సిపాల్‌ సింహారెడ్డి ఆధ్వర్యంలో సిబ్బంది ఘనంగా సన్మానించారు. ఈసందర్భంగా ప్రిన్సిపాల్‌ మాట్లాడుతూ.. హిమాచల్‌ప్రదేశ్‌లోని మనాలీలో ఈనెల 9 నుంచి 19వ తేదీ వరకు శిక్షణ ఉంటుందన్నారు. రాష్ట్రం నుంచి 20 మంది ఎంపిక కాగా, అందులో డిగ్రీ కళాశాలకు చెందిన విద్యార్థిని ఎంపిక కావడం గర్వకారణంగా ఉందన్నారు. కార్యక్రమంలో అసోసియేట్‌ ప్రొఫెసర్‌ డాక్టర్‌ నాగేందర్‌రావు, డాక్టర్‌ తిరుమలరెడ్డి, అరుంధతి, మురళి, కళాశాల సిబ్బంది పాల్గొన్నారు.

నేడు, రేపు విద్యుత్‌సరఫరాలో అంతరాయం

మెదక్‌ కలెక్టరేట్‌: జిల్లాలోని పలు మండలాల్లో శని, ఆదివారం విద్యుత్‌ సరఫరాలో అంతరాయం ఉంటుందని విద్యుత్‌శాఖ ఏడీఈ మోహన్‌బాబు పేర్కొన్నారు. ప్రజలకు అంతరాయం లేకుండా నాణ్యమైన విద్యుత్‌ సరఫరా చేసేందుకు సబ్‌స్టేషన్లలో మరమ్మతులు, ట్రీ కటింగ్‌ తదితర పనులు చేపట్టనున్నట్లు తెలిపారు. ఇందులో భాగంగా మెదక్‌ పట్టణం, మెదక్‌ మండలం, హవేళిఘణాపూర్‌, చిన్నశంకరంపేట, పాపన్నపేట మండలాల్లో రెండు రోజుల పాటు ఉదయం 9 గంటల నుంచి మధ్యాహ్నం 1 గంట వరకు వరకు విద్యుత్‌ సరఫరా నిలిపివేస్తున్నట్లు చెప్పారు.

బాల్య వివాహాలుచట్ట విరుద్ధం: జెడ్పీ సీఈఓ

చిన్నశంకరంపేట(మెదక్‌): బాల్య వివాహాలు చట్ట విరుద్ధమని, ప్రోత్సహిస్తే జైలు శిక్ష తప్పదని జెడ్పీ సీఈఓ ఎల్లయ్య హెచ్చరించారు. శుక్రవారం నార్సింగి మండల కేంద్రంలో ఐసీడీఎస్‌ ఆధ్వర్యంలో నిర్వహించిన బా లల పరిరక్షణ కార్యక్రమంలో ఆయన పాల్గొని మాట్లాడారు. అమ్మాయికి 18 ఏళ్లు, అబ్బా యికి 21 ఏళ్లు నిండిన తర్వాతే పెళ్లి చేయాలని సూచించారు. బాలబాలికల సంరక్షణకు ప్రత్యే క చట్టాలు ఉన్నాయని, వాటిని ఉల్లంఘిస్తే చట్టపరమైన శిక్షలు తప్పవన్నారు. అనంతరం బాలల పరిరక్షణ పోస్టర్‌ను ఆవిష్కరించారు. కార్యక్రమంలో ఎంపీడీఓ ప్రీతిరెడ్డి, ఎస్‌ఐ సృజన, డాక్టర్‌ రవిప్రకాశ్‌, ఐసీడీఎస్‌ సూపర్‌వైజర్‌ సుజాత పాల్గొన్నారు.

రైతులు జాగ్రత్తలు

పాటించాలి: ఏడీఏ

కౌడిపల్లి(నర్సాపూర్‌): మండల కేంద్రంలోని బతుకమ్మ తండాలో శుక్రవారం ధాన్యం కొనుగోలు కేంద్రాన్ని ఏడీఏ పుణ్యవతి తనిఖీ చేసి తేమశాతం పరిశీలించారు. ఈసందర్భంగా ఆమె మాట్లాడుతూ.. రైతులు నాణ్యమైన ధాన్యం సెంటర్లకు తీసుకురావాలని సూచించారు. వరికోతలు ముమ్మరంగా సాగుతున్నాయని, రైతులు మిషన్ల వద్ద జాగ్రత్తలు పాటించాలన్నారు. వరి కొయ్యలను కాల్చవద్దని పొలంలోనే కలియదున్నాలన్నారు. తద్వారా భూసారం పెరుగుతుందని వివరించారు. కార్యక్రమంలో ఏఓ స్వప్న, రైతులు త దితరులు పాల్గొన్నారు.

జాతీయ సాహసశిక్షణకు డిగ్రీ విద్యార్థిని