ఆహార భద్రత.. అందరి బాధ్యత

● మామడ మండలంలోని ఓ గ్రామానికి చెందిన 9 ఏళ్ల బాలిక ప్రతీరోజు పాఠశాలలోనే తీవ్రస్థాయిలో వాంతులు చేసుకుంటోంది. స్థానిక వైద్యుల ను సంప్రదించిన ఫలితం లేకుండా పోయింది. తిన్న ప్రతిసారి వెంటనే వాంతులు చేసుకోవడంతో తల్లిదండ్రులు వైద్యులను సంప్రదించారు. అన్ని పరీక్షల తర్వాత కొన్నినెలలుగా కిరాణా షాపుల్లో చిప్స్‌, తినుబండారాలను తినడం మూలంగా జీర్ణాశయంలో ఇబ్బందులు తలెత్తినట్లు గుర్తించారు. ప్రస్తుతం బాలిక దీర్ఘకాలిక చికిత్స తీసుకుంటోంది. ● గతేడాది జిల్లాకేంద్రంలోని ఓ హోటల్‌లో భోజ నం చేసిన అనంతరం తీవ్ర అస్వస్థతకు గురై ఓ వ్యక్తి మృతిచెందాడు. ఈ ఘటన తర్వాత ఆహారభద్రతపై అధికారుల తనిఖీలు పెరిగినా, కాలక్రమేణా అవి తగ్గిపోయాయనే విమర్శలు వినిపిస్తున్నాయి. ● రెండునెలల క్రితం జిల్లాకేంద్రంలోని ఓ స్వీట్‌షా పులో తనిఖీ చేపట్టి గడువు తేదీ ముగిసిన తినుబండారాల గుర్తించారు. షాపు యాజమాన్యానికి నోటీసులు జారీ చేసి జరిమానా విధించారు. ● గతంలో నిర్మల్‌, భైంసా ప్రాంతాల్లో హోటల్‌ రెస్టారెంట్లలో ఆహార పదార్థాలను మోతాదుకు మించి సమయం నిల్వ ఉంచిననందున అధికారులు తనిఖీ నిర్వహించి హెచ్చరికలు జారీ చేశారు.

పాల నుంచి భోజనం వరకూ అన్నీ కల్తీనే! కల్తీ తినుబండారాలతో అనారోగ్యం అప్రమత్తత అవసరమంటున్న వైద్యులు నేడు ప్రపంచ ఆహార భద్రతా దినోత్సవం

ఆకర్షణీయ రంగులతో ఉన్న ఆహార పదా ర్థాల కొనుగోళ్లలో అప్రమత్తంగా ఉండాలి.

ప్యాకెట్‌ ఆహారాలపై తయారీ, గడువు తేదీలను పరిశీలించాలి.

పరిశుభ్రత లేని ప్రాంతాల్లో విక్రయించే ఆహారాన్ని వీలైనంత వరకు నివారించాలి.

ఆహారం తిన్న తర్వాత అస్వస్థతకు గురైతే వెంటనే వైద్యులను సంప్రదించాలి.

అనుమానాస్పద ఆహారపదార్థాలపై సంబంధిత అధికారులకు ఫిర్యాదు చేయాలి.