TV
బళ్లారి రైల్వే స్టేషన్‌లో సమస్యలను పరిష్కరించాలి
బళ్లారి టౌన్‌: బళ్లారి రైల్వే స్టేషన్‌లో సమస్యలు పరిష్కరించాలని జిల్లా ఛాంబర్‌ ఆఫ్‌ కామర్స్‌ ఉపాధ్యక్షుడు, సదరు డివిజన్‌ రైల్వే వినియోగదారుల సలహా సమితి సభ్యుడు సంత గిరిధర్‌ సూచించారు. ఈ మేరకు జరిగిన సమావేశంలో బళ్లారి రైల్వే అభివృద్ధికి సంబంధించి కీలక నిర్ణయాలను తెలిపారు. బళ్లారి జిల్లా రాష్ట్రంలోనే పరిశ్రమలు, గనులకు కేంద్రం కావడంతో రైల్వేలో నెట్‌వర్క్‌, మౌలిక సదుపాయాలు పెంచాల్సిన అవసరం ఉందన్నారు. బళ్లారి రైల్వే స్టేషన్‌లో మహిళలకు మరుగుదొడ్లు, ఎస్కలేటర్లు ఏర్పాటు చేయాలని కోరారు. 2020 మార్చి, 22, 26 మధ్య అమృత మహోత్సవాల అభివృద్ధి స్కీమ్‌ ప్రారంభోత్సవ కార్యక్రమాన్ని ఏర్పాటు చేస్తున్నామని, కార్యక్రమానికి అందరూ సంసిద్ధంగా ఉండాలని సూచించారు. సమావేశంలో అధికారులు, గోపాలకృష్ణ, కొట్రేష్‌, రాహుల్ మెహతా, తదితరులు పాల్గొన్నారు.
