దేశ వ్యాప్తంగా విస్తరిస్తున్న వాడపల్లి ఖ్యాతి | - | Sakshi
Sakshi News home page

దేశ వ్యాప్తంగా విస్తరిస్తున్న వాడపల్లి ఖ్యాతి

Nov 29 2025 7:43 AM | Updated on Nov 29 2025 7:43 AM

దేశ వ్యాప్తంగా విస్తరిస్తున్న వాడపల్లి ఖ్యాతి

దేశ వ్యాప్తంగా విస్తరిస్తున్న వాడపల్లి ఖ్యాతి

కొత్తపేట: కోనసీమ తిరుమలగా ప్రసిద్ధి చెందిన ఆత్రేయపురం మండలం వాడపల్లి శ్రీ, భూ సమేత వేంకటేశ్వరస్వామి క్షేత్రం ఖ్యాతి దేశ వ్యాప్తంగా విస్తరిస్తుంది. రోజూ ముఖ్యంగా శనివారం ఉభయ తెలుగు రాష్ట్రాల నలుమూలల నుంచీ అత్యధిక సంఖ్యలో భక్తులు వాడపల్లికి తరలివచ్చి స్వామిని దర్శించుకుంటున్నారు. ‘ఏడు వారాల వెంకన్న దర్శనం–ఏడేడు జన్మల పుణ్యఫలం’ నానుడితో ‘ఏడు వారాల వెంకన్న’గా ప్రసిద్ధి చెందిన ఈ క్షేత్రం తిరుమల (పెద్ద తిరుపతి) తరహాలో వేలాది మంది భక్తులతో కిటకిటలాడుతున్న విషయం తెలిసిందే. దాంతో రాష్ట్రేతర ప్రాంతాల నుంచి కూడా భక్తులు తరలివచ్చి స్వామిని దర్శించుకుంటున్నారు. మొక్కులు చెల్లిస్తున్నారు. తాజాగా ఒడిశా రాష్ట్రం నుంచి శుక్రవారం 16 మంది సభ్యుల భక్త బృందం వాడపల్లి క్షేత్రాన్ని సందర్శించి స్వామిని దర్శించుకున్నారు. వారు మాట్లాడుతూ ఓం నమో వేంకటేశాయనమః అని నమస్కరిస్తూ తాము అందరం ఒడిశా నుంచి వచ్చామన్నారు. పంచాయతీరాజ్‌ ఉద్యోగులమని, దేశ వ్యాప్తంగా అనేక పుణ్య క్షేత్రాలు, ఆయా దేవతామూర్తుల గురించి తెలుసు.. కానీ ఈ వాడపల్లి క్షేత్రం, ఈ దేవుడి విశిష్టత గురించి ఇటీవలే తెలిసిందన్నారు. అవకాశం ఉన్నప్పుడల్లా ఇక్కడికి వచ్చి స్వామిని దర్శించుకుంటామని వారన్నారు.

Advertisement

Related News By Category

Related News By Tags

Advertisement
 
Advertisement
Advertisement