అనాథ ఆశ్రమ పిల్లలకు అమృత హెల్త్‌ స్కీం

రూ.10 లక్షల విలువైన బయో ఉత్పత్తులు సీజ్‌ సత్తెనపల్లి: సత్తెనపల్లిలోని శ్రీ వెంకటేశ్వర రైతు సేవా కేంద్రంలో అనధికారికంగా నిల్వ ఉంచిన బయో ఉత్పత్తులను విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు సోమవారం సీజ్‌ చేశారు. విజిలెన్స్‌, ఎన్‌ఫోర్స్‌మెంట్‌ అధికారులు, వ్యవసాయ అధికారులు సంయుక్తంగా సోమవారం పట్టణంలో తనిఖీలు నిర్వహించారు. శ్రీ వెంకటేశ్వర రైతు సేవా కేంద్రం దుకాణంలో అనధికారికంగా నిల్వ ఉంచిన రూ.10 లక్షల విలువైన బయో ఉత్పత్తులను సీజ్‌ చేసి, 6ఏ కేసు నమోదు చేశారు. అచ్చంపేట రోడ్డులోని నయనికరాజు ఎరువుల దుకాణంలో రూ.9.47 విలువైన ఉత్పత్తుల అమ్మకాలు నిలిపివేశారు. దాడుల్లో విజిలెన్స్‌ సీఐ కె.చంద్రశేఖర్‌, సీహెచ్‌. ఆదినారాయణ, సత్తెనపల్లి ఏడీఏ బి.రవిబాబు, సత్తెనపల్లి ఏవో బి.సుబ్బారెడ్డి, సిబ్బంది పాల్గొన్నారు. విద్యుత్‌, విత్తన చట్టాల జీఓ ప్రతులు దహనం నకరికల్లు: కేంద్ర ప్రభుత్వం అమల్లోకి తీసుకువచ్చిన విత్తన, విద్యుత్‌ చట్టాల వల్ల రైతులు, సామాన్య ప్రజలు తీవ్రంగా నష్టపోతారని కౌలురైతు సంఘం జిల్లా అధ్యక్షుడు జి.పిచ్చారావు మండిపడ్డారు. విత్తన, విద్యుత్‌ చట్టాలకు సంబంధించిన జీఓ ప్రతులను చేజర్ల గ్రామంలో సోమవారం దహనం చేసి నిరసన తెలిపారు. రైతులకు నష్టం చేకూర్చే విధంగా ఉన్న చట్టాలను వెంటనే వెనక్కు తీసుకోవాలని డిమాండ్‌ చేశారు. కార్యక్రమంలో ఈవూరి అప్పిరెడ్డి, ఆవుల వెంకటేశ్వర్లు, చట్టు కోటేశ్వరరావు, కొండానాయక్‌, ఈవూరి వెంకటేశ్వరరెడ్డి, ఈవూరి శ్రీనివాసరెడ్డి, పలువురు రైతులు పాల్గొన్నారు. వినాయకునికి సంకటహర చతుర్థి పూజలు అమరావతి: ప్రఖ్యాత పుణ్యక్షేత్రమైన అమరావతిలోని అమరేశ్వరాలయంలో గల విఘ్నేశ్వరస్వామి ఉపాలయంలో సోమవారం సంకటహర చతుర్థి పూజలను ఘనంగా నిర్వహించారు. ఆలయ అర్చకస్వామి జాగర్లపూడి శేషసాయిశర్మ విఘ్నేశ్వరస్వామికి మహాన్యాస పూర్వక ఏకాదశ రుద్రాభిషేకాన్ని నిర్వహించారు. స్వామి వారికి వివిధ రకాల పుష్పాలు, గరికెతో విశేషాలంకారం చేశారు. భక్తులు పెద్ద సంఖ్యలో హాజరై స్వామివారికి ప్రత్యేక పూజలు చేసి ఉండ్రాళ్లను సమర్పించుకున్నారు. అనంతరం భక్తులకు తీర్థ ప్రసాదాలను అందజేశారు.