టెస్లా సైబర్‌ రోడియే విశేషాలు ఇవే

Mar 26, 2022, 15:16 IST

టెస్లా కంపెనీ అధినేత ఎలన్‌ మస్క్‌ గతంలో ప్రకటించినట్టుగానే సైబర్‌ రోడియే నిర్వహించేందుకు ముందుకు వచ్చారు. ఈ మేరకు టెస్లా కస్టమర్ల, ఇన్వెస్టర్లు, సోషల్‌ మీడియా ఇన్‌ఫ్లూయెన్సర్లకు సైబర్‌ రోడియోకి సంబంధించిన ఇన్విటేషన్లు పంపారు. 2022 ఏప్రిల్‌ 7న అస్టిన్‌లో ఈ సైబర్‌ రోడియో ఈవెంట్‌ జరగనుంది.

టెక్సాస్‌ అంటేనే కౌబాయ్‌ కల్చర్‌కి పెట్టింది పేరు. సాధారణంగా ఇక్కడ నిర్వహించే రోడియో షోలో కౌబాయ్‌, కౌగర్ల్‌ గెటప్‌లో గుర్రాలపై వచ్చిన యువతి యువకులు తమ నైపుణ్యాలు ప్రదర్శిస్తారు. కాగా టెస్లా నిర‍్వహిస్తోన్న సైబర్‌ రోడియోలో టెస్లా కస్టమర్లు తమ ఈవీలలో ఈ కార్యక్రమానికి హాజరవుతారు. టెక్సాస్‌లో ఉన్న గిగా ఫ్యాక్టరీలో కార్ల తయారీని స్వయంగా పరిశీలించే వీలు ఉంటుంది. సైబర్‌ రోడియో డేట్లు ప్రకటించడం పట్ల టెస్లా యూజర్లు ఖుషీగా ఫీలవుతున్నారు.