రాష్ట్ర భద్రతా కమిషన్‌లో ప్రతిపక్ష నేతకు చోటు

సాక్షి, అమరావతి: రాష్ట్ర భద్రతా కమిషన్‌లో ప్రతిపక్ష నేతకు చోటు కల్పిస్తూ ప్రభుత్వం నిర్ణయం తీసుకుంది. ఈ మేరకు నిబంధనలు సవరిస్తూ సోమవారం ఉత్తర్వులిచ్చింది. సుప్రీంకోర్టు, తెలంగాణ హైకోర్టు ఇచ్చిన తీర్పు నేపథ్యంలో ఏపీ రాష్ట్ర భద్రతా కమిషన్‌ నిబంధనలు–2020లోని రూల్‌ నంబర్‌–2లోని సబ్‌ రూల్‌–2లో ప్రభుత్వం సవరణ చేసింది.

రాష్ట్ర హోంమంత్రి చైర్మన్‌గా ఉండే ఈ కమిషన్‌లో అసెంబ్లీలో ప్రతిపక్ష నేత, ప్రభుత్వ ప్రధాన కార్యదర్శి, డీజీపీ, రాష్ట్ర హోం శాఖ కార్యదర్శి సభ్యులు. స్వచ్ఛంద సంస్థలు, పలు రంగాల నుంచి మరో అయిదుగురు సభ్యులుగా ఉంటారు. చంద్రబాబు ప్రభుత్వ హయాంలో ప్రతిపక్ష నేతకు చోటు కల్పించకపోవడం గమనార్హం.