TV
చంద్రకళకు వైఎస్సార్‌సీపీ ఎన్నారై నేతల చేయూత
కళ్యాణదుర్గం రూరల్‌: టీడీపీ నేతల వేధింపులతో ఆత్మహత్యాయత్నం చేసిన వడ్డే కాలనీకి చెందిన వివాహిత చంద్రకళకు వైఎస్సార్‌సీపీ ఎన్నారై విభాగం నాయకులు అండగా నిలిచారు. చంద్రకళ కుటుంబానికి అండగా ఉంటామని గతంలో ఇచ్చిన హామీ మేరకు కళ్యాణదుర్గం వైఎస్సార్‌సీపీ సమన్వయకర్త తలారి రంగయ్య ప్రత్యేక చొరవ తీసుకుని, విషయాన్ని పార్టీ ఎన్నారై విభాగం దృష్టికి తీసుకెళ్లారు. స్పందించిన ఎన్నారైలు ఆమె వైద్య ఖర్చుల కోసమని రూ.2.20 లక్షలను శుక్రవారం అందజేశారు. భవిష్యత్తులో బాధితురాలికి పార్టీ అన్ని విధాలుగా అండగా ఉంటుందని భరోసా కల్పించారు. ఈ సందర్భంగా రంగయ్య మాట్లాడుతూ.. నియోజకవర్గ వ్యాప్తంగా టీడీపీ నేతల దౌర్జన్యాలపై ధ్వజమెత్తారు. చంద్రకళ విషయం తెలియగానే ఆస్ట్రేలియాలో స్థిరపడిన యశ్వంత్‌రెడ్డి, దీపక్‌రెడ్డి, వారి స్నేహితులు తక్షణమే స్పందించి ఆర్థిక సాయం అందజేయడం అభినందనీయమన్నారు. ఇందుకు సహరించిన పార్టీ అధినేత వైఎస్‌ జగన్‌మోహన్‌రెడ్డికి, పార్టీ ఎన్నారై స్టేట్‌ కోర్డినేటర్‌ ఆలూరు సాంబశివారెడ్డికి కృతజ్ఞతలు తెలిపారు. కార్యక్రమంలో ఎన్నారైలు జస్వంత్‌రెడ్డి, దీపక్‌రెడ్డి, పార్టీ నియోజవర్గ పరశీలకుడు మహేంద్రరెడ్డి, జిల్లా అధికార ప్రతినిధి శ్రీనివాసులు, జిల్లా ఉపాధ్యక్షుడు గంగాధరప్ప, మండల కన్వీనర్లు సుధీర్‌, గోళ్ల సూరి, ఎంఎస్‌రాజు, హనుమంతరాయుడు, చంద్రశేఖర్‌రెడ్డి, కౌన్సిలర్లు లక్షన్న, పరమేశ్వరప్ప, జెడ్పీటీసీ గుద్దెళ్ల నాగరాజు, ఎంపీపీ చంద్రశేఖర్‌రెడ్డి, జేసీఎస్‌ కన్వీనర్‌ అంజి, తిమ్మరాయుడు, దొడగట్ట మురళి, చరణ్‌, రామాంజనేయులు, టైలర్‌ శీన, భీమేష్‌, పాతలింగ, మల్లాపురం మల్లి, బసవరాజు, గునపల్లి నాగరాజు, అనిల్‌, తదితరులు పాల్గొన్నారు.
